روزہ وہی رکھے گا جس کو اﷲ تعالیٰ سے محبت یا خوف ہو
ارشاد فرمایا کہ روزہ میں ایک خاص بات ایسی ہے جو کسی عبادت میں نہیں۔ وہ یہ ہے کہ روزہ ہونے یا نہ ہونے کی اﷲ کے علاوہ کسی کو خبر نہیں ہوسکتی۔ اس لئے روزہ وہی رکھے گا جس کو اﷲ تعالیٰ کی محبت یا اﷲ تعالیٰ کا ڈر ہوگا اور اگر فی الحال اس میں کچھ کمی بھی ہوگی تو تجربہ سے ثابت ہے کہ محبت و عظمت کے کام کرنے سے محبت و عظمت پیدا ہوتی ہے ، اس لئے روزہ رکھنے سے یہ کمی پوری ہوجائے گی۔ اور ظاہر ہے کہ جس کے دل میں خدا تعالیٰ کا خوف اور محبت ہوگی وہ دین میں کتنا مضبوط ہوگا تو روزہ رکھنے میں دین کی مضبوطی کی خاصیت ثابت ہوگی۔ (احکام رمضان المبارک ،صفحہ ۶۱)
حکیم الامت حضرت مولانا اشرف علی تھانوی رحمہ اللہ تعالیٰ کے ہزاروں قیمتی ملفوظات نایاب موتی ہماری ویب سائٹ
https://readngrow.online/
پر موجود ہیں ۔ خود بھی پڑھئے اور دوسروں کو بھی ترغیب دیجئے ۔ یہ اآپکے لئے صدقہ جاریہ ہوگا ۔