پیارے نبی ﷺ کے پیارے اخلاق

حضرت مولانا مفتی محمد تقی عثمانی صاحب مدظلہ اپنے خطبات میں فرماتے ہیں
حضور اقدس صلی اللہ علیہ وسلم ہر معاملے میں وہ طریقہ پسند فرماتے جس میں عبدیت ہو، بندگی ہو، شکستگی کا اظہار ہو۔۔۔ چنانچہ جب اللہ تعالیٰ کی طرف سے حضور اقدس صلی اللہ علیہ وسلم سے یہ پوچھا گیا کہ اگر آپ چاہیں تو آپ کے لیے یہ احد پہاڑ سونے کا بنا دیا جائے تاکہ آپ صلی اللہ علیہ وسلم کی معاش کی تکلیف دور ہو جائے؟
حضور اقدس صلی اللہ علیہ وسلم نے فرمایا کہ نہیں بلکہ مجھے تو یہ پسند ہے کہ ایک دن کھائوں اور ایک دن بھوکا رہوں۔۔۔ جس دن کھائوں تو آپ کا شکر ادا کروں اور جس دن بھوکا ر ہوں اس دن صبر کروں اور آپ سے مانگ کر کھائوں۔۔۔
ایک حدیث میں آتا ہے:۔
یعنی جب حضور اقدس صلی اللہ علیہ وسلم کو کسی معاملے میں دو راستوں کا اختیار دیا جاتا ہے یا تو یہ راستہ اختیار کرلیں یا یہ راستہ اختیار کرلیں تو حضورِ اقدس صلی اللہ علیہ وسلم ہمیشہ ان میں سے آسان راستے کو اختیار فرماتے۔۔۔ (صحیح بخاری)
اس لیے کہ مشکل راستہ اختیار کرنے میں اپنی بہادری کا دعویٰ ہے کہ میں بڑا بہادر ہوں کہ یہ مشکل کام انجام دے لوں گا اور آسان راستہ اختیار کرنے میں عاجزی، شکستگی اور بندگی کا اظہار ہے کہ میں تو بہت کمزور ہوں اور اس کمزوری کی وجہ سے آسان راستہ اختیار کرتا ہوں۔۔۔
لہٰذا جو کچھ کسی کو حاصل ہوا وہ بندگی اور فنائیت ہی میں حاصل ہوا ہے اور فنا ہونے کے معنی یہ ہیں کہ اللہ کی مرضی اور ان کی مشیت کے آگے اپنے وجود کو انسان فنا کردے اور جب فنا کردیا تو سمجھو کہ سب کچھ اس فنائیت میں حاصل ہوگیا۔۔۔

شیخ الاسلام حضرت مولانا مفتی محمد تقی عثمانی صاحب کے ملفوظات اور تعلیمات پڑھنے کے لئے یہ لنک وزٹ کریں:۔
https://kitabfarosh.com/category/kitabfarsoh-blogs/mufti-taqi-usmani-words/