سیّد احمد شہید اور مولانا عبدالحئی کا ذوق اتباع سنت

حضرت سید احمد شہیدؒ جن سے بیعت لیتے تھے ، ان کو اتباع سنت کی بہت تاکید کرتے تھے۔۔۔۔ مولانا عبدالحئی صاحب سے ایک دفعہ کہا کہ اگرکوئی امر خلافِ سنت مجھ سے ہوتا دیکھو تو مجھے اطلاع کر دینا۔۔۔۔ مولانا عبدالحئی صاحبؒ نے کہا ، جب کوئی مخالف سنت فعل آپ سے عبدالحئی دیکھے گا تو عبدالحئی آپ کے ساتھ ہوگا ہی کہا ں، یعنی ہمراہی چھوڑ دے گا۔۔۔۔ اس سے یہ واضح ہوتا ہے کہ ان کی زندگیاں سنت میں رنگی ہوئی تھیں۔۔۔۔مولانا عبدالحئی صاحبؒ کے اتباع سنت کی نگرانی کا یہ عالم تھا کہ :اپنے شیخ کو بھی خلاف سنت پر ٹوک دیتے تھے۔۔۔۔ ایک دفعہ حضرت سید صاحبؒ کی نئی شادی ہوئی تھی ، نماز میں اپنے معمول سے کچھ دیر سے تشریف لائے۔۔۔۔ پہلے دن تو مولانا عبدالحئی نے سکوت کیا ، دوسرے دن بھی دیر ہوئی کہ تکبیر اولیٰ فوت ہوگئی۔۔۔۔ مولانا عبدالحئی نے سلام پھیر کر فرمایا ، عبادتِ الٰہی ہوگی یا شادی کی عشرت؟ سید صاحب نے اپنی غلطی کااعتراف فرما لیا۔۔۔۔

سنت والی زندگی اپنانے کے لئے ہماری ویب سائٹ
https://readngrow.online
پر مطلوبہ کیٹگری میں دیکھئے ۔ اور مختلف اسلامی مواد سے باخبر رہنے کے لئے ویب سائٹ کا آفیشل واٹس ایپ چینل بھی فالو کریں ۔ جس کا لنک یہ ہے :۔
https://whatsapp.com/channel/0029Vb0Aaif4o7qSPFms4g1M