حضرت ابو قحافہ رضی اللہ عنہ کو دعوت دینا

حضرت اسماء بنت ابی بکر رضی اللہ عنہما فرماتی ہیں کہ فتح مکہ کے دن حضورصلی اللہ علیہ وسلم نے حضرت ابو قحافہ رضی اللہ عنہ سے فرمایا آپ مسلمان ہو جائیں سلامتی پا لیں گے۔۔۔۔۔ (اخرجہ الطبرانی قال الھیثمی ۵/۳۰۵) حضرت اسماء رضی اللہ عنہا فرماتی ہیں کہ جب حضورصلی اللہ علیہ وسلم مکہ میں داخل ہوئے اور اطمینان کے ساتھ مسجد میں بیٹھ گئے تو حضرت ابو بکر رضی اللہ عنہ (اپنے والد) حضرت ابو قحافہ رضی اللہ عنہ کو لے کر آپکی خدمت میں حاضر ہوئے۔۔۔۔۔ جب آپ نے ان کو (آتے ہوئے) دیکھا تو فرمایا اے ابوبکر! بڑے میاں کو وہیں کیوں نہیں رہنے دیا۔۔۔۔۔ میں ان کے پاس چل کر جاتا۔۔۔۔۔ انہوں نے عرض کیا یا رسول اللہ صلی اللہ علیہ وسلم! ان پر زیادہ حق بنتا ہے کہ یہ آپ کے پاس چل کر آئیں بہ نسبت اس کے کہ آپ ان کے پاس چل کر تشریف لے جاتے۔۔۔۔۔ چنانچہ حضورصلی اللہ علیہ وسلم نے ان کو اپنے سامنے بیٹھایا اور ان کے دل پر اپنا ہاتھ رکھ کر فرمایا آپ مسلمان ہو جائیں سلامتی پا لیں گے۔۔۔۔۔ چنانچہ حضرت ابوقحافہ رضی اللہ عنہ مسلمان ہو گئے اور کلمہ شہادت پڑھ لیا۔۔۔۔۔ جب حضرت ابوقحافہ رضی اللہ عنہ حضورصلی اللہ علیہ وسلم کی خدمت میں لائے گئے تو ان کے سر اور داڑھی کے بال ثغامہ بوٹی کی طرح سفید تھے، آپ نے فرمایا اس سفیدی کو بدل دو لیکن کالا خضاب نہ کرنا۔۔۔۔۔ (عند ابن سعد ۵/۴۵۱)

اگرآپ کو یہ واقعہ پسند آیا ہے تو اسکو شئیر ضرور کریں اور اس طرح کے دیگر اسلامی واقعات اور اولیاء اللہ کے حالات و تذکرے آپ ہمارے ویب سائٹ
https://readngrow.online
پر بالکل مفت میں پڑھ سکتے ہیں ۔
تمام اسلامی مواد اور دیگر کیٹگریز کو دیکھنے کے لئے یہ لنک وزٹ کریں
https://readngrow.online/readngrow-categories/
نیز ہم اس ویب سائٹ کی مفید چیزوں کو اس واٹس ایپ چینل پر بھی شئیر کرتے رہتے ہیں ۔
https://whatsapp.com/channel/0029VaviXiKHFxP7rGt5kU1H
یہ چینل فالو کرلیں ۔