دو قسم کے امراض

بسلسلہ ملفوظات حکیم الامت حضرت مولانا اشرف علی تھانوی نور اللہ مرقدہ

ارشاد فرمایا کہ اکثر لوگوں میں دو مرض بکثرت پائے جاتے ہیں ، ایک حبّ ِ مال ، ایک حبّ ِ جاہ۔ مردوں کو زیادہ روپے سے محبت ہوتی ہے ، اور کسی چیز سے اتنی نہیں ، اسی واسطے اس کے جوڑنے اور جمع کرنے کے درپے رہتے ہیں ۔عورتوں کو کپڑے ، زیور ، برتن اور خانگی سامان سے محبت ہوتی ہے کہ رنگ رنگ کے کپڑے ہوں ، قسم قسم کے برتن ہوں ، مختلف قسم کے زیور ہوں علیٰ ھٰذا۔مگر اس بارے میں مردوں کی سمجھ عورتوں سے اچھی ہے کہ روپے سے ہر چیز حاصل ہو سکتی ہے ، بخلاف کپڑے برتن وغیرہ سے ہر چیز حاصل نہیں ہوسکتی۔ مردوں میں حبّ ِ جاہ اس رنگ سے ہے کہ اپنے کو بڑا سمجھتے ہیں ۔ عورتیں اپنے کو بڑا تو نہیں سمجھتیں مگر اپنے کو بڑا ظاہر کرنا چاہتی ہیں ۔ ایسی باتیں اور ایسے طریقے اختیار کرتی ہیں کہ جن سے ان کا بڑا ہونا دوسرے پر ظاہر ہو۔
اس کا علاج یہ ہے کہ اللہ تعالیٰ سے تعلق پیدا کرے اور پستی اختیار کرے ۔ دنیا کی فناء اور آخرت کی بقاء کو پیش نظر رکھے جس کی صورت یہ ہے کہ ہر وقت یہ خیال رکھے کہ گناہ پر سزا ہوگی اور نیک کام پر جزا ملے گی ، اجمالاً اتنا دھیان کافی ہے۔(دو قسمیں، صفحہ ۱۶۶)

حکیم الامت حضرت مولانا اشرف علی تھانوی رحمہ اللہ تعالیٰ کے یہ ملفوظات مختلف تعلیمات، اصطلاحات اور دیگر احکامات کی دو تقسیموں کو بیان کرنے کے لئے ہیں تاکہ وضاحت کے ساتھ دین شریعت کو سمجھا جا سکے ۔ خود بھی پڑھیں اور دوستوں سے بھی شئیر کریں ۔
مزید ملفوظات پڑھنے کے لئے ہماری ویب سائٹ
https://readngrow.online
اپنے پاس محفوظ کرلیں ۔
ملفوظات حکیم الامت حضرت مولانا اشرف علی تھانوی رحمہ اللہ تعالیٰ (بدعت کی حقیقت)۔
ملفوظات حکیم الامت حضرت مولانا اشرف علی تھانوی رحمہ اللہ تعالیٰ (اسلامی شادی)۔
اس طرح کے ملفوظات روزانہ اس واٹس ایپ چینل پر بھی بھیجے جاتے ہیں
https://whatsapp.com/channel/0029VaJtUph4yltKCrpkkV0r
چینل جوائن کریں