شیخ سے محبت پیدا کرنا تو ضروری ہے ، لیکن تکلف و تصنع نہ کرے

بسلسلہ ملفوظات حکیم الامت حضرت مولانا اشرف علی تھانوی نور اللہ مرقدہ

ایک صاحب نے استفسار کیا کہ محبت کے آداب کیا ہیں؟ ارشاد فرمایا کہ جب محبت ہوگی تو خودبخود آداب معلوم ہوجائیں گے ۔ جیسے لڑکا جب بالغ ہوتا ہے تو خود بخود اس کو شہوت ہونے لگتی ہے۔ نابالغ بچہ کو کس طرح سمجھایا جاوے کہ جماع اس طرح ہوتا ہے۔ محبت پیدا کرلے پھر خود بخود آداب قلب میں آنے لگیں گے ۔ محبت کے آداب کی کوئی فہرست تھوڑا ہی تیار ہوسکتی ہے اور تکلف کے ساتھ محبت بھی نہ کرے ۔ اگر کھینچ تان کر اور آداب کی فہرست معلوم کرکے محبت بھی کی تو اس سے کیا ہوتا ہے ۔ جتنی محبت ہو بس اتنا ہی ظاہر کرے ، تکلف اور تصنع نہ کرے ، یہ تو خواہ مخواہ شیخ کو دھوکہ دینا ہے۔(آداب ِ شیخ و مرید، صفحہ ۲۹۱)

حکیم الامت حضرت مولانا اشرف علی تھانوی رحمہ اللہ تعالیٰ کے یہ ملفوظات شیخ و مرید کے باہمی ربط اور آداب سے متعلق ہیں ۔ خود بھی پڑھیں اور دوستوں سے بھی شئیر کریں ۔
مزید ملفوظات پڑھنے کے لئے ہماری ویب سائٹ
https://readngrow.online
اپنے پاس محفوظ کرلیں ۔
اس طرح کے ملفوظات روزانہ اس واٹس ایپ چینل پر بھی بھیجے جاتے ہیں
https://whatsapp.com/channel/0029VaJtUph4yltKCrpkkV0r
چینل جوائن کریں