روزانہ صبح کے وقت یہ دعائے استخارہ ضرور پڑھ لیں (4)۔

ایک ایسی جامع مجرب اور ضروری دعا جس کو پڑھنے میں صرف ایک منٹ سے بھی کم خرچ ہوتا ہے مگر اسکا فائدہ اتنا کثیر ہے کہ اگر آپ اسکو معمولات میں شامل کرلیںتو خود اپنی آنکھوں سے دیکھ لیں گے۔یہ ایک طرح سے دن بھر کا استخارہ ہے۔
اللّھُمَّ اِنْ کُنْتَ تَعْلَمُ اَنَّ جَمِیعَ حَرَکاتِی وَ سَکَنَاتِی خَیرٌ لّی فِی ھٰذا الیَومِ فَاَقْدِرْھَا لِی وَیسِّرھا لی وَاِنْ کُنْتَ تَعْلمُ اَنّھَا شرٌّ لّی فَاصْرِفْھَا عَنّی وَاصْرِفْنِی عَنْھَا ۔
پس یہ دعا ضرور روزانہ صبح کے وقت پڑھ لیں۔ تو سب خیر کے کاموں میں اللہ تعالیٰ کی مدد شامل ہوجائیگی ۔ اور گناہوں سے بچنے کی توفیق مل جائیگی ۔ اگر عربی میں یہ دعا یاد نہیں کرسکتے تو بڑی آسانی سے آپ یہی دعا اردو میں اسطرح مانگ سکتے ہیں۔
اے اللہ! میں نے آج کے دن میں جتنے بھی کام اور جتنی بھی محنت کرنی ہے وہ سب آپکو پہلے سے معلوم ہے پس جن کاموں میں میرے لئے خیر ہے اور اچھائی کا باعث ہیں۔ یا اللہ وہ کام میرے لئے آسان فرمادے اور جو کام میرے لئے برائی یعنی شر کا باعث ہیں وہ بھی آپکو معلوم ہیں یا اللہ مجھے اُن سے بچالے اور اُن سب کاموں کو مجھ سے دور کردے۔
آمین۔
یہ دن بھر کا استخارہ روزانہ کامعمول بنالیں ان شاءا للہ العزیز کسی کام میں خسارہ نہیں ہوگا اور سب اچھے کاموں میں اللہ تعالیٰ کی خاص مدد شامل ہوجائیگی۔ نیز اس دعا کو اپنے متعلقین اور دوست احباب کے ساتھ بھی شیئر کریں تاکہ آپکے لئے صدقہ جاریہ بن جائے ۔
یہ دعا اکابر کے مجربات اور معمولات سے منقول ہے ۔

نوٹ : یہ ’’آج کی بات‘‘ ایک بہت ہی مفید سلسلہ ہے جس میں حذیفہ محمد اسحاق کی طرف سے مشاھدات،خیالات اور تجربات پر مبنی ایک تحریر ہوتی ہے ۔ یہ تحریر ہماری ویب سائٹ
https://readngrow.online/
پر مستقل شائع ہوتی ہے ۔ ہر تحریر کے عنوان کے آگے ایک نمبر نمایاں ہوتا ہے ۔ جس اسکی قسط کو ظاہر کرتا ہے کہ یہ کون سی قسط ہے ۔ پچھلی قسطیں بھی ہماری ویب سائٹ پر دستیاب ہیں ۔ اگر کوئی پیغام یا نصیحت یا تحریر آپکو پسند آتی ہے تو شئیر ضرور کریں ۔ شکریہ ۔
مزید اپڈیٹس کے لئے ہمارے واٹس ایپ چینل کو ضرور فالو کریں
https://whatsapp.com/channel/0029Vb0Aaif4o7qSPFms4g1M