حقوق العباد مثلاََ قرض وغیرہ نہ شہید ہوجانے
سے معاف ہوتے ہیں نہ حج و عمرہ سے

حدیث شریف میں آیا ہے الحج یھدم ماکان قبلہ یعنی حج گذشتہ تمام گناہوں کو ختم کردیتا ہے ، اس حدیث پاک میں لفظ ما بظاہر عام ہے مگر یہ اپنے عموم پر باقی نہیں ، اس سے حقوق العباد مستثنیٰ ہیں کیونکہ حدیث شریف میں ہے کہ ایک شخص نے پوچھا یا رسول اللہ ! اگر میں شہید ہوجاؤں تو میرے سارے گناہ معاف ہو جائیں گے؟ حضور ﷺنے فرمایا کہ ہاں سب معاف ہوجائیں گے ۔ اس کے بعد حضرت جبرئیل علیہ السلام نے فرمایا ’’یارسول اللہ الا الدین‘‘ مگر دین یعنی حق العباد (بندے کے حقوق مثلاََ قرض وغیرہ) معاف نہ ہوگا ۔ حضور ﷺ نے سائل کو واپس بلایا اور فرمایا الا الدین فان جبرئیل قالہ لی آنفامگر دین(قرض) معاف نہ ہوگا، حضرت جبرئیل علیہ السلام نے ابھی مجھ سے فرمایا ہے۔ نیز مستدرک حاکم میں عبداللہ بن عمرو بن العاص رضی اللہ عنہ سے مرفوعاََ مروی ہے ، رسول اللہ ﷺ نے ارشاد فرمایا یغفر للشھید کل ذنب الا الدینکہ شہید کا ہر گناہ معاف کردیا جائے گا لیکن قرض معاف نہ ہوگا۔ پس جب شہادت سے بھی دین (یعنی قرض اور دیگر حقوق العباد ) معاف نہیں ہوتا حالانکہ شہادت کا درجہ بہت بڑا ہے تو حج سے بھی دین معاف نہیں ہوگا۔ (امدادالحجاج ،صفحہ ۱۳۳)

حکیم الامت حضرت مولانا اشرف علی تھانوی رحمہ اللہ تعالیٰ کے یہ ملفوظات جو حج سے متعلق ہیں ۔ خود بھی پڑھیں اور دوستوں سے بھی شئیر کریں ۔
مزید ملفوظات پڑھنے کے لئے ہماری ویب سائٹ
https://readngrow.online
اپنے پاس محفوظ کرلیں ۔
اس طرح کے ملفوظات روزانہ اس واٹس ایپ چینل پر بھی بھیجے جاتے ہیں
https://whatsapp.com/channel/0029VaJtUph4yltKCrpkkV0r
چینل جوائن کریں