یہ خیال غلط ہے کہ آج کل حلال آمدنی کہاں

ارشاد فرمایا کہ شاید کسی کو یہ خیال ہو کہ آج کل تو اکثر آمدنیاں حرام ہی ہیں پھر کسی کا بھی حج مقبول نہ ہوگا سو یہ بالکل غلط ہے ۔ وہی فقہاء جو رحمت ِ عالم ہیں ، ان سے پوچھو دریافت کرو ، جو آمدنی ان کے فتوے سے جائز اور حلال ہو اس کو حلال سمجھو ، اور فتویٰ کی رو سے بہت سی آمدنیاں اب بھی حلال ہیں ۔ اس میں زیادہ غلو کرنے اور تقویٰ بگھارنے کی ضرورت نہیں ۔ حق تعالیٰ فرماتے ہیں:۔
لا تغلوا فی دینکم
دین میں غلو مت کرو یعنی بات بات میں شبہات مت نکالو ، بال کی کھال نہ کھینچو ۔ ظاہر میں تو غلو اچھا معلوم ہوتا ہے ، انسان یہ سمجھتا ہے کہ اس میں کیا حرج ہے، یہ تقویٰ ہے کہ میں ذرا ذرا بات کی چھان بین کرتا ہوں لیکن ایسے تقویٰ کی انتہا معصیت پر ہوتی ہے۔ (امدادالحجاج ،صفحہ ۹۳)

حکیم الامت حضرت مولانا اشرف علی تھانوی رحمہ اللہ تعالیٰ کے یہ ملفوظات جو حج سے متعلق ہیں ۔ خود بھی پڑھیں اور دوستوں سے بھی شئیر کریں ۔
مزید ملفوظات پڑھنے کے لئے ہماری ویب سائٹ
https://readngrow.online
اپنے پاس محفوظ کرلیں ۔
اس طرح کے ملفوظات روزانہ اس واٹس ایپ چینل پر بھی بھیجے جاتے ہیں
https://whatsapp.com/channel/0029VaJtUph4yltKCrpkkV0r
چینل جوائن کریں