مالداری کے بعد غربت بڑی مصیبت ہے

ملفوظاتِ حکیم الامت مجددالملت حضرت مولانا محمد اشرف علی تھانوی رحمۃ اللہ علیہ

ارشاد فرمایا کہ جو شخص تنعم ( عیش و عشرت) میں رہا پھر اس کی حالت ابتر ہوجائے (یعنی مفلس ہو جائے) ایسے شخص کو بڑی مشکل ہوتی ہے۔ مقاصد حسنہ میں ایک حدیث لکھی ہے :۔
ارحموا ثلثة عزيز قوم ذل ، امیر قوم افتقر وعالم يلعب به الجهال یعنی تین آدمی رحم کے قابل ہیں، ایک کسی قوم کا معزز آدمی جو ذلیل ہو
جائے ، دوسرے کسی قوم کا
میر جو فقیر ہوجائے ، تیسرے وہ عالم جس کے ساتھ جاہل لوگ تمسخر کریں۔ امیری کے بعد جو مسکنت (غربت) ہوتی ہے وہ سخت تکلیف کا باعث ہوتی ہے، یہ سب فضول خرچی کا نتیجہ ہے۔ نیز اسی ضمن میں ارشاد فرمایا کہ تجربہ سے معلوم ہوا کہ اصلی مفلس (یعنی غریب) کو غربت سے اتنی پریشانی نہیں ہوتی جتنی اس غریب کو ہوتی ہے جو مالداری کے بعد ہو کیونکہ وہ پہلے سے اس کا عادی ہوچکا ہوتا ہے، اس لئے کہا گیا ہے تین آدمیوں پر رحم کرو اور ان میں سے اس شخص کو بھی شمار کیا گیا جوکسی قوم میں مالدار تھا ، بعد میں فقیر ہوگیا۔

نوٹ:- یہ ملفوظات ڈاکٹر فیصل صاحب (خلیفہ عبدالمتین شاہ صاحب دامت برکاتہم العالیہ) نے انتخاب فرمائے ہیں۔ اور انکو حضرت مولانا محمد زبیر صاحب (فاضل جامعہ دارالعلوم الاسلام لاہور 2023) نے تحریر فرمایا ہے ۔
یہ ملفوظات آپ ہماری ویب سائٹ
https://readngrow.online
پر بالکل مفت میں پڑھ سکتے ہیں ۔
براہ مہربانی یہ پوسٹ اپنے واٹس ایپ اور دیگر سوشل میڈیا پر شئیر کریں ۔