سامانِ عیش اور ولایت میں منافات نہیں

مقالاتِ حکیم الامت مجددالملت حضرت مولانا محمد اشرف علی تھانوی رحمۃ اللہ علیہ

حضرت ابوسعید خدری رضی اللہ عنہ سے روایت ہے کہ رسول اللہ ﷺ نے فرمایا کہ بہت سے لوگ دنیا میں نرم بستروں پر اللہ تعالیٰ کا ذکر کریں گے ، اللہ تعالی ان کو جناتِ عالیہ میں داخل فرمائیں گے۔ (ابو یعلیٰ)

فائدہ: اکثر عوام یہ سمجھتے ہیں کہ بزرگی کے لئے خستہ حال ہونا ضروری ہے۔ حدیث سے معلوم ہوتا ہے کہ اگر سامانِ امارت کے ساتھ ذکر و طاعت میں استقامت ہو تو ثمراتِ ولایت جب بھی مرتب ہوتے ہیں، البتہ بعض اوقات بعض اسباب تنعم یا بعض تعلقات کو تجویز شیخ کامل کی بناء پر بمصلحتِ مجاہدہ برائے چندے یا کبھی دواماً ترک کر دینا ضروری ہوتا ہے، سو یہ امر عارض مصلحت سے ہے ، فی نفسہٖ شرائط سے نہیں (یعنی بسا اوقات صاحبِ بصیرت شیخ کی رائے پر راحت کے اسباب یا بعض تعلقات کو کچھ دنوں کے لئے یا کبھی ہمیشہ کے لئے چھوڑ دیا جاتا ہے سو یہ ممانعت کسی مصلحت کی بناء پر ہوتی ہے لیکن یہ ولایت کی شرائط میں داخل نہیں )۔

نوٹ:- یہ ملفوظات ڈاکٹر فیصل صاحب (خلیفہ شیخ الحدیث حضرت مولانا عبدالمتین بن حسین شاہ صاحب دامت برکاتہم العالیہ) نے انتخاب فرمائے ہیں۔ اور انکو حضرت مولانا محمد زبیر صاحب (فاضل جامعہ دارالعلوم الاسلام لاہور 2023) نے تحریر فرمایا ہے ۔
یہ ملفوظات آپ ہماری ویب سائٹ
https://readngrow.online
پر بالکل مفت میں پڑھ سکتے ہیں ۔
براہ مہربانی یہ پوسٹ اپنے واٹس ایپ اور دیگر سوشل میڈیا پر شئیر کریں ۔