صفائی معاملات کی اہمیت اور حساب لکھنے کی ضرورت

ملفوظاتِ حکیم الامت مجددالملت حضرت مولانامحمد اشرف علی تھانوی رحمۃ اللہ علیہ

ارشاد فرمایا کہ خدا تعالیٰ کا حکم ہے کہ معاملات کو لکھ لیا کرو لیکن آج کل یہ عیوب میں داخل ہے کہ بڑے وہمی آدمی ہیں حالانکہ بعض دفعہ یاد نہیں آتا کہ فلاں چیز کس نے لی تھی تو پریشانی ہوتی ہے۔ اس لئے چاہے چھوٹا ہی معاملہ ہو لیکن اس کو بھی ضرور لکھ لو کیونکہ لکھ لینے سے بہت مدد ملتی ہے اور پھر کوئی شبہ پیدا نہیں ہوتا ، یہ تمام شبہات کا علاج ہے۔ نیز فرمایا کہ معاملات کی صفائی بڑی اچھی چیز ہے۔ جب کبھی کسی سے قرض لے یا دے یا ادا کرے اس کو فوراً لکھ لے مثلاً دھوبی کو کپڑے دیتے وقت لکھ لینے سے یہ فائدہ تو ہے ہی کہ بھول نہیں ہوتی ۔ ایک فائدہ یہ بھی ہے کہ اگر کاغذ کھو بھی جائے تب بھی دھوبی پر رعب رہتا ہے اور وہ پورے ہی کپڑے لا کر حوالہ کرتا ہے۔ حساب کتاب لکھنا پڑھنا واقعی اللہ تعالیٰ کے بڑے احسانات میں سے ہے۔

نوٹ:- یہ ملفوظات ڈاکٹر فیصل صاحب (خلیفہ شیخ الحدیث حضرت مولانا عبدالمتین بن حسین شاہ صاحب دامت برکاتہم العالیہ) نے انتخاب فرمائے ہیں۔ اور انکو حضرت مولانا محمد زبیر صاحب (فاضل جامعہ دارالعلوم الاسلام لاہور 2023) نے تحریر فرمایا ہے ۔
یہ ملفوظات آپ ہماری ویب سائٹ
https://readngrow.online
پر بالکل مفت میں پڑھ سکتے ہیں ۔
براہ مہربانی یہ پوسٹ اپنے واٹس ایپ اور دیگر سوشل میڈیا پر شئیر کریں ۔