یہ طریق بہت ہی نازک ہے
بسلسلہ ملفوظات حکیم الامت حضرت مولانا اشرف علی تھانوی نور اللہ مرقدہ
ارشاد فرمایا کہ یہ طریق بہت ہی نازک ہے ۔ کسی محقق کی صحبت سے کچھ سمجھ میں آ جائے تو آ جائے ورنہ کتابوں سے پورا سمجھ میں نہیں آ سکتا اور نہ کام چل سکتا ہے ۔ جیسے طب کی کتابیں پڑھ کر بدوں ماہر فن کی صحبت میں رہے ہوئے مطب نہیں کر سکتا۔ اگر ایسا شخص کسی مریض پر ہاتھ ڈالے گا تو اس مریض کی خیر نہیں۔ اسی طرح مریض روحانی کی بھی خیر نہیں ، نہ معلوم ناقص کی تعلیم سے کیا الٹ پلٹ تدابیر اختیار کر لے اور بجائے نفع کے مضرت میں پھنس جائے اور کامل کی معرفت کے لیے ضرورت ہے کسی کامل کی شہادت کی۔ آج کل تو جہلاء مشائخ بنے ہوئے ہیں ، اس جہل کی بدولت طریق کو بدنام کردیا۔ حق تعالیٰ فہم سلیم عطا فرمائیں۔(آداب ِ شیخ و مرید، صفحہ ۱۱۵)
حکیم الامت حضرت مولانا اشرف علی تھانوی رحمہ اللہ تعالیٰ کے یہ ملفوظات شیخ و مرید کے باہمی ربط اور آداب سے متعلق ہیں ۔ خود بھی پڑھیں اور دوستوں سے بھی شئیر کریں ۔
مزید ملفوظات پڑھنے کے لئے ہماری ویب سائٹ
https://readngrow.online
اپنے پاس محفوظ کرلیں ۔
اس طرح کے ملفوظات روزانہ اس واٹس ایپ چینل پر بھی بھیجے جاتے ہیں
https://whatsapp.com/channel/0029VaJtUph4yltKCrpkkV0r
چینل جوائن کریں