ہمارے بزرگوں کے ساتھ ظلم

بسلسلہ ملفوظات حکیم الامت حضرت مولانا اشرف علی تھانوی نور اللہ مرقدہ

ارشاد فرمایا کہ کتنے غضب اور ظلم کی بات ہے کہ ہمارے بزرگوں کو (بدعتی) بدنام کرتے ہیں اور وہابی کے لقب سے یاد کرتے ہیں۔ہمارے قریب میں ایک قصبہ ہے جلال آباد، وہاں پر ایک جبّہ شریف ہے جو حضور ﷺ کی طرف منسوب ہے ۔ اس کی زیارت حضرت حاجی امداد اللہ صاحب ؒ اور مولانا شیخ محمد تھانویؒ کیا کرتے تھے، اور حضرت مولانا رشید احمد گنگوہی ؒ نے اس کے متعلق میرے خط کے جواب میں تحریر فرمایا تھا کہ ’’ اگر منکرات سے خالی وقت میسر آنا ممکن ہو تو ہرگز (زیارت سے) دریغ نہ کریں‘‘۔ بتلائیے یہ باتیں وہابیت کی ہیں؟ ان بدعتیوں میں دین تو ہوتا نہیں ، جس طرح جی میں آتا ہے ، جس کو چاہتے ہیں بدنام کرنا شروع کر دیتے ہیں۔ خود تو بد دین ہیں ، دوسروں کو بھی بد دین بتلاتے ہیں۔(بدعت کی حقیقت اور اس کے احکام و مسائل، صفحہ ۲۰)

حکیم الامت حضرت مولانا اشرف علی تھانوی رحمہ اللہ تعالیٰ کے یہ ملفوظات بدعت کی حقیقت سے متعلق ہیں ۔ خود بھی پڑھیں اور دوستوں سے بھی شئیر کریں ۔
مزید ملفوظات پڑھنے کے لئے ہماری ویب سائٹ
https://readngrow.online
اپنے پاس محفوظ کرلیں ۔
اس طرح کے ملفوظات روزانہ اس واٹس ایپ چینل پر بھی بھیجے جاتے ہیں
https://whatsapp.com/channel/0029VaJtUph4yltKCrpkkV0r
چینل جوائن کریں