ہر کام میں رضائے الٰہی پیش نظر ہو

بسلسلہ ملفوظات حکیم الامت حضرت مولانا اشرف علی تھانوی نور اللہ مرقدہ

ارشاد فرمایا کہ حضرت حاجی امداد اللہ صاحب رحمۃ اللہ علیہ فرماتے ہیں کہ ہم تو عطر اس لیے لگاتے ہیں کہ اللہ تعالیٰ کو پسند آوے۔ ایک مرتبہ فرمایا کہ جب پانی پیو ٹھنڈا پیو، ٹھنڈا پانی پینے سے بال بال سے الحمدللہ نکلتی ہے۔ سبحان اللہ ! ان حضرات کی نیت ہر امر میں یہی ہوتی ہے کہ حق تعالیٰ راضی ہوں اور شکر کامل ادا ہو ، یہ ہر شخص سے نہیں ہو سکتا۔ مثلاً کھانا کھانے، کپڑا پہننے، چلنے پھرنے ہر کام میں یہی نیت ہو۔ یہ نیت فرضِ دائم نہیں مگر اتنا ضروری ہے کہ ہر کام میں یہ خیال کرے کہ یہ خلافِ مرضی حق تعالیٰ تو نہیں ہے ؟غرض ہر کام اگر للرضا نہ ہو مگر یہ خیال تو ضرور رہے کہ میں خلافِ رضا کام نہ کروں ، یہ مرتبہ فرضِ دائم ہے۔(۳۱۳ اشرفی جواہرات، صفحہ ۷۳)

حکیم الامت حضرت مولانا اشرف علی تھانوی رحمہ اللہ تعالیٰ کے یہ ملفوظات اشرفی جواہرات کے متعلق ہیں ۔ خود بھی پڑھیں اور دوستوں سے بھی شئیر کریں ۔
مزید ملفوظات پڑھنے کے لئے ہماری ویب سائٹ
https://readngrow.online
اپنے پاس محفوظ کرلیں ۔
اس طرح کے ملفوظات روزانہ اس واٹس ایپ چینل پر بھی بھیجے جاتے ہیں
https://whatsapp.com/channel/0029VaJtUph4yltKCrpkkV0r
چینل جوائن کریں