ہر کام میں حفظ حدود کی اہمیت

ملفوظاتِ حکیم الامت مجددالملت حضرت مولانا محمد اشرف علی تھانوی رحمۃ اللہ علیہ

ارشاد فرمایا کہ حق تعالیٰ نے صلحاء کی بہت سی تعریفیں سورہ توبہ کی اس ایک آیت میں جمع فرمائی ہیں جس میں *التائبون الحمدون* سے شروع ہو کر بہت سی صفاتِ محمودہ بیان فرمانے کے بعد فرمایا کہ *والحفظون لحدود اللہ* اس سے معلوم ہوا کہ تمام صفاتِ محمودہ اس وقت محمودہ ہیں جبکہ وہ اللہ کی مقرر کردہ حدود کے اندر ہیں۔ ان میں افراط و تفریط یا غلو ہوگیا تو صفت محمودہ نہیں رہتی۔ اور ہر کام اس وقت صحیح و مقبول ہوگا جبکہ وہ حفظ حدود کے ساتھ ہو۔

نوٹ:- یہ ملفوظات ڈاکٹر فیصل صاحب (خلیفہ شیخ الحدیث حضرت مولانا عبدالمتین بن حسین شاہ صاحب دامت برکاتہم العالیہ) نے انتخاب فرمائے ہیں۔ اور انکو حضرت مولانا محمد زبیر صاحب (فاضل جامعہ دارالعلوم الاسلام لاہور 2023) نے تحریر فرمایا ہے ۔
یہ ملفوظات آپ ہماری ویب سائٹ
https://readngrow.online
پر بالکل مفت میں پڑھ سکتے ہیں ۔
براہ مہربانی یہ پوسٹ اپنے واٹس ایپ اور دیگر سوشل میڈیا پر شئیر کریں ۔