چند وہ خصلتیں و عادتیں جن سے احتیاط بہت ضروری ہے

ملفوظاتِ حکیم الامت مجددالملت حضرت مولانا محمد اشرف علی تھانوی رحمۃ اللہ علیہ

(1)

۔ا۔ گالیاں دینا فاسقوں کا کام ہے۔ کسی کو فاسق کافر ملعون ، خدا کا دشمن، بے ایمان مت کہو ۔ اگر وہ شخص ایسا نہ ہوگا تو یہ سب چیزیں لوٹ کر کہنے والے پر پڑیں گی۔ اسی طرح یہ کہنا کہ فلانے پر خدا کی مار، خدا کی پھٹکار، خدا کا غضب پڑے یا دوزخ نصیب ہو خواہ کسی آدمی کو کہا جائے یا جانور کو یاکسی بے جان چیز کو۔

۔۲۔ اگر کوئی تم کو سخت کلمہ کہے تو اس قدر تم بھی کہہ سکتے ہو۔ اور زیادتی کرنے میں پھر تم گنہگار ہوگے۔

۔۳۔ اکثر لوگ کہا کرتے ہیں کہ اللہ تعالیٰ رحم فرماوے ، لوگوں میں بڑی غفلت ہے ، گناہوں پر بڑی جرات ہے ونحو ذلک۔ اگر یہ بات تأسفاً و شفقۃً کہی جاوے تو مضائقہ نہیں اور اگر براہِ خود پسندی و خود بینی کہا جاوے تو یہ اول اسی الترام کا مورد سزاوار) ہے جو اوروں پر عائد کر رہا ہے۔

۔۴۔ دو رویہ پن کبھی مت کرو کہ جیسوں میں گئے ویسی ہی باتیں بنانے لگے، بقول شخصے جمنا پرگئے جمناداس گنگا پر گئے گنگاداس ۔

۔۵۔ پچغلخوری ہرگز مت کرو۔

نوٹ:- یہ ملفوظات ڈاکٹر فیصل صاحب (خلیفہ شیخ الحدیث حضرت مولانا عبدالمتین بن حسین شاہ صاحب دامت برکاتہم العالیہ) نے انتخاب فرمائے ہیں۔ اور انکو حضرت مولانا محمد زبیر صاحب (فاضل جامعہ دارالعلوم الاسلام لاہور 2023) نے تحریر فرمایا ہے ۔
یہ ملفوظات آپ ہماری ویب سائٹ
https://readngrow.online
پر بالکل مفت میں پڑھ سکتے ہیں ۔
براہ مہربانی یہ پوسٹ اپنے واٹس ایپ اور دیگر سوشل میڈیا پر شئیر کریں ۔