پردہ کے ضروری ہونے کی معاشرتی دلیل

بسلسلہ ملفوظات حکیم الامت حضرت مولانا اشرف علی تھانوی نور اللہ مرقدہ

ارشاد فرمایا کہ عورتیں فطرتاََ اور قانوناََ مردوں کے تابع ہیں اور مرد محبت کی وجہ سے (عورتوں کے) تابع ہوجاتے ہیں اور یہ تابع رہنا محبت کے باقی رہنے تک ہے اور محبت کا باقی رہنا اس وقت تک ہے جب تک کہ پردہ باقی ہے اور یہ مسئلہ عقلی بھی ہے ، چنانچہ ایک یورپین عورت نے اس کے متعلق ایک اخبار میں اپنی تقریر شائع کی ہے کہ عورتوں کے لئے جو بے پردگی کی کوشش کی جاتی ہے یہ عورتوں کے لئے سخت مضر ہے کیونکہ اس وقت تو مردوں کو عورت کی راحت رسانی کا پورا اہتمام ہے اور اس کا سبب محبت ہے اور محبت کا منشاء (سبب) خصوصیت ہے اور مشاہدہ ہے کہ جو چیز عام ہوجاتی ہے اس سے قوی (اور گہرا) تعلق نہیں ہوتا اور یہ خصوصیت پردہ کی وجہ سے قائم رہتی ہے پس محبت کی بنیاد پردہ ہے ۔ اس انگریزن کی تقریر سے پردہ کی تاکید معلوم ہو رہی ہے ۔ یہاں کے لوگوں کو شرم کرنا چاہئے کہ ایک یورپین عورت تو پردہ کی خوبی بیان کرے اور تم ایشیائی ہو کر پردہ کی مذمت کرتے ہو۔ (احکام ِ پردہ عقل و نقل کی روشنی میں،صفحہ ۳۲)

حکیم الامت حضرت مولانا اشرف علی تھانوی رحمہ اللہ تعالیٰ کے یہ ملفوظات احکام پردہ کے متعلق ہیں ۔ ۔ خود بھی پڑھیں اور دوستوں سے بھی شئیر کریں ۔
مزید ملفوظات پڑھنے کے لئے ہماری ویب سائٹ
https://readngrow.online
اپنے پاس محفوظ کرلیں ۔
اس طرح کے ملفوظات روزانہ اس واٹس ایپ چینل پر بھی بھیجے جاتے ہیں
https://whatsapp.com/channel/0029VaJtUph4yltKCrpkkV0r
چینل جوائن کریں