پردہ سے متعلق چندضروری احکام و مسائل (پانچویں قسط)۔

(۵)

ملفوظات حکیم الامت مجددالملت حضرت مولانا محمد اشرف علی تھانوی رحمۃ اللہ علیہ

مسئله : نامحرم مردو عورت کا آپس میں گفتگو کرنا بھی بلاضرورت ممنوع ہے اور ضرورت میں بھی فضول باتیں نہ کرے، نہ ہنسی مذاق کی کوئی بات کرے، نہ اپنے لہجہ کو نرم کرکے گفتگو کرے۔

مسئله : گانے کی آواز مرد کی عورت کو یا عورت کی مرد کو سننا ممنوع ہے، اس سے معلوم ہوا کہ بعض جگہ جو عادت ہے کہ رسمی واعظ مناجات یا قصیدہ آواز بنا کر عوتوں کو سناتے ہیں یہ بہت برا ہے۔

مسئله : فقہاء نے نامحرم جوان عورت کو سلام کرنے یا ان کا سلام لینے سے منع کیا ہے۔

مسئله : ایسا باریک کپڑا پہننا جس میں بدن جھلکتا ہو ننگا ہونے کی طرح ہے، حدیث میں ایسے کپڑے کی مذمت آئی ہے۔

مسئله : مرد کو غیر عورت سے بدن دبوانا جائز نہیں۔

مسئله : بجتا ہوا زیور جس کی آواز نامحرم کے کان میں جائے یا ایسی خوشبو جس کی مہک غیر محرم تک پہنچے استعمال کرنا عورتوں کو جائز نہیں، یہ بھی بے پردگی میں داخل ہے ، اور جو زیور خود نہ بجتا ہو مگر دوسری چیز سے لگ کر آواز دیتا ہو ایسے زیور میں یہ احتیاط واجب ہے کہ پاؤں زمین پر آہستہ رکھے تاکہ اظہار نہ ہو۔

نوٹ:- یہ ملفوظات ڈاکٹر فیصل صاحب (خلیفہ عبدالمتین شاہ صاحب دامت برکاتہم العالیہ) نے انتخاب فرمائے ہیں۔ اور انکو حضرت مولانا محمد زبیر صاحب (فاضل جامعہ دارالعلوم الاسلام لاہور 2023) نے تحریر فرمایا ہے ۔
یہ ملفوظات آپ ہماری ویب سائٹ
https://readngrow.online
پر بالکل مفت میں پڑھ سکتے ہیں ۔
براہ مہربانی یہ پوسٹ اپنے واٹس ایپ اور دیگر سوشل میڈیا پر شئیر کریں ۔