وضو کی اہمیت و برکت

ہمارے دادا پیر حضرت فضل علی قریشی ؒکی زمین تھی۔۔۔۔ اس میں خود ہل چلاتے تھے، خود پانی دیتے تھے،خود کاٹتے، خود بیج نکالتے، پھر وہ گندم گھر آتی تھی۔۔۔۔ پھر رات کو عشاء کے بعد میاں بیوی اسے پیسا کرتے اور اس آٹے سے بنی ہوئی روٹی خانقاہ میں مریدوں کو کھلائی جاتی تھی۔۔۔۔ آپ اندازہ کیجئے حضرت ؒ یہ سب کچھ خود کرتے تھے۔۔۔۔ حضرت ؒ کی عادت تھی کہ ہمیشہ باوضو رہتے تھے گھر والوں کی بھی یہی عادت تھی۔۔۔۔ ایک دن حضرت نے کھانا پکوایا اور خانقاہ میں لے آئے۔۔۔۔ اللہ اللہ سیکھنے والے سالکین آئے ہوئے تھے وہ کھانا حضرتؒ نے ان سامنے رکھا، جب وہ کھانے لگے آپ نے انہیں کہا فقیرو ( حضرت قریشیؒ مریدوں کو فقیر کہتے تھے) تمہارے سامنے جو روٹی پڑی ہے اس کیلئے ہل چلایاگیا تو وضو کے ساتھ، پھر بیج ڈالا گیا تو وضو کے ساتھ، پھر اس کو پانی دیا تو وضو کے ساتھ، پھر اس کو کاٹا گیا تو وضو کے ساتھ، پھر گندم بھوسے سے الگ کی گئی تو وضو کے ساتھ، پھر گندم کوپیسا گیا تووضو کے ساتھ، پھر آٹا گوندھا گیا وضو کے ساتھ، پھر روٹی پکائی گئی وضو کے ساتھ، پھر آپ کے سامنے کھانا لا کر رکھا گیا وضو کے ساتھ۔۔۔۔ ’’ کاش کہ تم وضو کے ساتھ اسے کھا لیتے‘‘۔۔۔۔ (جواہرات فقیر 1ص177)

اگرآپ کو یہ واقعہ پسند آیا ہے تو اسکو شئیر ضرور کریں اور اس طرح کے دیگر اسلامی واقعات اور اولیاء اللہ کے حالات و تذکرے آپ ہمارے ویب سائٹ
https://readngrow.online
پر بالکل مفت میں پڑھ سکتے ہیں ۔
تمام اسلامی مواد اور دیگر کیٹگریز کو دیکھنے کے لئے یہ لنک وزٹ کریں
https://readngrow.online/readngrow-categories/
نیز ہم اس ویب سائٹ کی مفید چیزوں کو اس واٹس ایپ چینل پر بھی شئیر کرتے رہتے ہیں ۔
https://whatsapp.com/channel/0029VaviXiKHFxP7rGt5kU1H
یہ چینل فالو کرلیں ۔