نیک صحبت کے فوائد

ملفوظاتِ حکیم الامت مجددالملت حضرت مولانا محمد اشرف علی تھانوی رحمۃ اللہ علیہ

ارشاد فرمایا کہ نیک صحبت کی (بڑی) تاکید آئی ہے۔ اس کی وجہ یہ ہے کہ عمل میں اس سے پختگی ہوتی ہے۔ صحبتِ صالح کا بڑا اثر ہوتا ہے۔ چنانچہ نمازی آدمی بے نمازیوں کی صحبت سے چند دنوں میں بے نمازی ہو جاتا ہے۔ پس یا تو اپنے بڑوں کی صحبت میں رہو، اگر بڑے میسر نہ ہوں تو چھوٹوں ہی کی صحبت میں رہو بشر طیکہ وہ نیک اور صالح ہوں۔ بڑے کے پاس رہنے سے یہ فائدہ ہوگا کہ اس کے حالات کو دیکھ کر شوق پیدا ہو گا۔ اگر کوئی لغزش ہوجائے تو وہ روک ٹوک کرے گا۔ اور چھوٹوں کی صحبت سے یہ فائدہ ہوگا کہ ان کے اعمال صالحہ کو دیکھ کر شرم آئے گی کہ ہائے اتنے چھوٹے چھوٹے بچے تو کیا کچھ کرتے ہیں ، کس قدر خوفِ خدا ان میں ہے ، کس پابندی سے احکام کو ادا کرتے ہیں اور ہم نہیں کرتے ، بڑے شرم کی بات ہے۔ غرض جس طرح بڑے سے نفع ہوتا ہے کبھی چھوٹے سے بھی نفع ہوتا ہے۔ یہی راز ہے صحبت کا کہ اس سے عمل میں پختگی ہوتی ہے۔

نوٹ:- یہ ملفوظات ڈاکٹر فیصل صاحب (خلیفہ عبدالمتین شاہ صاحب دامت برکاتہم العالیہ) نے انتخاب فرمائے ہیں۔ اور انکو حضرت مولانا محمد زبیر صاحب (فاضل جامعہ دارالعلوم الاسلام لاہور 2023) نے تحریر فرمایا ہے ۔
یہ ملفوظات آپ ہماری ویب سائٹ
https://readngrow.online
پر بالکل مفت میں پڑھ سکتے ہیں ۔
براہ مہربانی یہ پوسٹ اپنے واٹس ایپ اور دیگر سوشل میڈیا پر شئیر کریں ۔