نیکی کا داعیہ اللہ تعالیٰ کی طرف سے مہمان ہے (ملفوظات شیخ الاسلام حضرت مولانا مفتی محمد تقی عثمانی مدظلہ العالی)۔
ارشاد فرمایا کہ نیکی کا داعیہ اللہ تعالیٰ کی طرف سے مہمان ہے، اس مہمان کی خاطر مدارات کرلو ۔ اس کی خاطر مدارات یہ ہے کہ اس پر عمل کرلو، اگر نفل نماز پڑھنے کا داعیہ پیدا ہوا اور یہ سوچا کہ یہ فرض و واجب تو ہے نہیں ، اگر نہیں پڑھیں تو کوئی گناہ تو ہوگا نہیں ، چلو چھوڑو۔ یہ تم نے اس مہمان کی ناقدری کردی جو اللہ تعالیٰ نے تمہاری اصلاح کی خاطر بھیجا تھا ۔ اگر تم نے اسی وقت فوراََ عمل نہ کیا تو پیچھے رہ جاؤ گے ، پھر معلوم نہیں کہ دوبارہ مہمان آئے یا نہ آئے ، بلکہ وہ آنا بند کردے گا کیونکہ وہ مہمان یہ سوچے گا کہ یہ شخص میری بات تو مانتا نہیں اور میری ناقدری کرتا ہے ، میری خاطر مدارات نہیں کرتا ۔ میں اب اس کے پاس نہیں جاتا ، اس طرح دل میں نیکی کا داعیہ پیدا ہونا ہی بند ہوجائے گا ۔ بہر حال ویسے تو ہر کام میں جلدی اور عجلت کرنا برا ہے لیکن جب دل میں کسی نیک کام کے کرنے کا داعیہ پیدا ہو تو اس پر جلدی عمل کرلینا ہی اچھا ہے۔
۔(اصلاحی خطبات، جلد۱، صفحہ ۶۲)۔
یہ ملفوظات حضرت ڈاکٹر فیصل صاحب نے انتخاب فرمائے ہیں ۔
شیخ الاسلام حضرت مولانا مفتی محمد تقی عثمانی صاحب کے ملفوظات اور تعلیمات پڑھنے کے لئے یہ لنک وزٹ کریں:۔
https://readngrow.online/category/mufti-taqi-usmani-words/