نماز کی پابندی نہ ہو سکنے کے دو علاج

ملفوظاتِ حکیم الامت مجددالملت حضرت مولانا محمد اشرف علی تھانوی رحمۃ اللہ علیہ

ایک صاحب نے عرض کیا کہ نماز کی پابندی نہیں ہوتی.فرمایا کہ اس کے دو علاج ہیں ۔ ایک سہل ایک مشکل ۔ مشکل علاج تو یہ ہے کہ اپنے اوپر کوئی جرمانہ مقرر کرے کہ جو نہ اس قدر زیادہ ہو کہ پابندی کے ساتھ اس کا ادا ہونا ہی مشکل ہو اور نہ اس قدرکم ہو کہ نفس پر شاق ہی نہ ہو ۔ یہ علاج تو مشکل ہے کیونکہ خود اپنے اوپر سزا جاری کرنا مشکل کام ہے ۔ دوسرا سہل علاج یہ ہے کہ جس بزرگ سے عقیدت ہو اس کے پاس کچھ دن رہے ۔ اس سے ان شاء اللہ خود بخود اصلاح ہو جاوے گی ۔

یہ ملفوظات ڈاکٹر فیصل صاحب (خلیفہ شیخ الحدیث حضرت مولانا عبدالمتین بن حسین شاہ صاحب دامت برکاتہم العالیہ) نے انتخاب فرمائے ہیں۔ اور انکو حضرت مولانا محمد زبیر صاحب (فاضل جامعہ دارالعلوم الاسلام لاہور 2023) نے تحریر فرمایا ہے ۔
یہ ملفوظات آپ ہماری ویب سائٹ
https://readngrow.online
پر بالکل مفت میں پڑھ سکتے ہیں ۔
براہ مہربانی یہ پوسٹ اپنے واٹس ایپ اور دیگر سوشل میڈیا پر شئیر کریں ۔