نذرانے

ارشاد فرمایا کہ جوں جوں دنیا آگے بڑھ رہی ہے ہر معاملے میں تنزلی و گراوٹ نظر آتی ہے۔ عوام الناس تو بہت سے بنیادی مسائل ہی سے ناواقف ہیں ۔ ادھر مسند ِ تدریس و ارشاد پر جلوہ افروز معلمین و مشائخ بھی ہدایا و تحائف کے لین دین میں بہت بے احتیاطی کرنے لگے ہیں ۔ احادیث میں ہدیے دینے کے بہت فضائل بیان ہوئے ہیں ، لہٰذا لوگوں کا مزاج بن گیا ہے کہ ہدیے جب بھی ملیں اسے قبول کرنا ضروری سمجھتے ہیں بلکہ نہ لینا بداخلاقی گردانتے ہیں ۔
اس سلسلہ میں سب سے پہلے تو یہ بات مد نظر رہنی چاہئے کہ ہدیہ کے وصول کرنے میں کوئی مفسدہ تو نہیں۔ ہدیہ دینے والے سے غرض و نیت معلوم کرلی جائے تاکہ ردوقبول کے بارے میں فیصلہ کرنا آسان ہوورنہ قرائن سے اندازہ لگایا جائے۔ یوں ہی آنکھ بند کرکے ہدیہ قبول کرلینا جانبین کے لیے شدید مضر ہے۔
(مؤرخہ ۲۴جنوری۲۰۱۹ء درسِ صحیح بخاری،بمقام دارالحدیث،، اسلامک دعوۃ اکیڈمی، لیسٹر، برطانیہ)

ازافادات محبوب العلماء حضرت مولانا سلیم دھورات مدظلہ العالی (خلیفہ مجاز مولانا یوسف لدھیانوی شہید رحمہ اللہ تعالیٰ)۔

نوٹ: اس طرح کے دیگر قیمتی ملفوظات جو اکابر اولیاء اللہ کے فرمودہ قیمتی جواہرات ہیں ۔ آپ ہماری ویب سائٹ
https://readngrow.online/
پر بالکل مفت میں پڑھ سکتے ہیں ۔ براہ مہربانی یہ پوسٹ اپنے واٹس ایپ ودیگر سوشل میڈیا پر شئیر کریں ۔
اور ایسے قیمتی ملفوظات ہمارے واٹس ایپ چینل پر بھی مستقل شئیر کئے جاتے ہیں ۔ چینل کو فالو کرنے کے لئے یہ لنک وزٹ کریں
https://whatsapp.com/channel/0029VaJtUph4yltKCrpkkV0r
شکریہ ۔