ناکارہ مرد سے نکاح کرنا

بسلسلہ ملفوظات حکیم الامت حضرت مولانا اشرف علی تھانوی نور اللہ مرقدہ

ارشاد فرمایا کہ بعض لوگ باوجود بالکل ضرورت نہ ہونے کے بلکہ باوجود بیکار ہونے کے محض خاندانی رسم سمجھ کر جوان عورت یا لڑکی سے نکاح کر دیتے ہیں اور اپنے ناکارہ ہونے کو منکوحہ اور منکوحہ کے اولیاء سے چھپاتے ہیں ، یہ لوگ دوسرے آدمی کو مفسدہ میں مبتلا کرتے ہیں ۔ اگر عورت پارسا ہے تب تو وہ تمام عمر قید شدید میں مبتلا ہوئی اور اگر اس صفت سے خالی ہوئی تو بدکاری میں مبتلا ہوئی اور دونوں حالتوں میں میاں بیوی میں ناگواری اور رنجش و نا اتفاقی امر مشترک ہے۔ دوسری صورت میں دونوں کی بے آبروئی بلکہ دونوں خاندانوں کی بھی ساتھ ساتھ رسوائی ہے۔ بعض لوگ یہ اندھیر کرتے ہیں کہ باوجود اس بات کے مشہور ہونے کے پھر بھی اپنی لڑکی ایسے شخص سے بیاہ دیتے ہیں جس کا سبب اکثر مال و زر کی حرص ہوتی ہے۔(صفحہ ۱۶۷،اسلامی شادی)

حکیم الامت حضرت مولانا اشرف علی تھانوی رحمہ اللہ تعالیٰ کے یہ ملفوظات نکاح یعنی اسلامی شادی سے متعلق ہیں ۔ ۔ خود بھی پڑھیں اور دوستوں سے بھی شئیر کریں ۔
مزید ملفوظات پڑھنے کے لئے ہماری ویب سائٹ
https://readngrow.online
اپنے پاس محفوظ کرلیں ۔
اس طرح کے ملفوظات روزانہ اس واٹس ایپ چینل پر بھی بھیجے جاتے ہیں
https://whatsapp.com/channel/0029VaJtUph4yltKCrpkkV0r
چینل جوائن کریں