مقالات صوفیہ

اپنے کمال کو کمال سمجھنا اس کو برباد کرنا ہے

حکیم الامت مجددالملت حضرت مولانا محمد اشرف علی تھانوی رحمۃ اللہ علیہ نے تصوف کی دو مشہور کتابوں رسالہ قشیریہ اور طبقاتِ کبریٰ کی نہایت عمدہ تلخیص کی ہے جس میں صوفیاء سلف کے احوال و مقالاتِ حکمت درج ہیں

حضرت شاہ بن شجاع کرمانی رحمۃ اللہ علیہ نے ارشادفرمایا کہ اہل فضل و کمال کی فضیلت اسی وقت تک ہے کہ وہ خود اس کی طرف نظر و التفات نہ کریں اور جب خود اس پر اپنی نظر ہونے لگے تو کوئی فضیلت نہ رہی۔ اسی طرح اولیاء کی ولایت اس وقت تک ہے کہ وہ خود اس پر (فخر کے ساتھ) نظر نہ کریں اور جب اس پر اپنی نظر ہونے لگی تو کچھ ولایت نہ رہی۔ فائدہ:مطلب یہ ہے کہ خود بینی سے فضل و کمال اور ولایت نہیں رہتی اور جن اولیاء سے اپنی ولایت کا اعلان و تذکرہ خود منقول ہے وہ خود بینی کے طور پر نہ تھا بلکہ کسی وارد کے ماتحت اور یا کسی دینی مصلحت کی بناء پر تھا۔

نوٹ:- یہ ملفوظات ڈاکٹر فیصل صاحب (خلیفہ شیخ الحدیث حضرت مولانا عبدالمتین بن حسین شاہ صاحب دامت برکاتہم العالیہ) نے انتخاب فرمائے ہیں۔ اور انکو حضرت مولانا محمد زبیر صاحب (فاضل جامعہ دارالعلوم الاسلام لاہور 2023) نے تحریر فرمایا ہے ۔
یہ ملفوظات آپ ہماری ویب سائٹ
https://readngrow.online
پر بالکل مفت میں پڑھ سکتے ہیں ۔
براہ مہربانی یہ پوسٹ اپنے واٹس ایپ اور دیگر سوشل میڈیا پر شئیر کریں ۔