مسلمانوں میں باہم اتحاد و اتفاق کیسے قائم ہو؟

ملفوظاتِ حکیم الامت مجددالملت حضرت مولانا محمد اشرف علی تھانوی رحمۃ اللہ علیہ

ارشاد فرمایا کہ مسلمانوں کو آپس میں متحد رہنا چاہئے ۔ اگر کسی کی غیبت ہوتی ہو تو غیبت کرنے والے کو روکنا چاہئے۔ اگر وہ نہ مانے تو خود اٹھ جانا چاہے۔ اسی طرح ہر شخص کو ضروری ہے کہ اپنے کو سب سے کم سمجھے، اس طرح سے ان شاء اللہ تعالیٰ مخالفتیں بہت کم ہوں گی کیونکہ اکثر جو عداوتیں ہو جاتی ہیں ان کا بڑا سبب یہی تکبر ہے جس سے غیبت بھی پیدا ہوتی ہے۔ علیٰ ہذا ہر مسلمان کو اپنے دوسرے بھائی مسلمان کے لیے دعائے خیر کرنی چاہئے۔ غرض ہر مسلمان سے اگر وہ مبتلائے معاصی بھی ہو وہ برتاؤ کرو جو اپنے بیمار بھائی سے کرتے ہو کیونکہ مسلمان سب بھائی بھائی ہیں۔ حدیث میں ارشاد ہے *و کونوا عباد الله اخوانا* یعنی تم اللہ تعالیٰ کے بندے آپس میں بھائی بھائی ہو جاؤ۔

نوٹ:- یہ ملفوظات ڈاکٹر فیصل صاحب (خلیفہ شیخ الحدیث حضرت مولانا عبدالمتین بن حسین شاہ صاحب دامت برکاتہم العالیہ) نے انتخاب فرمائے ہیں۔ اور انکو حضرت مولانا محمد زبیر صاحب (فاضل جامعہ دارالعلوم الاسلام لاہور 2023) نے تحریر فرمایا ہے ۔
یہ ملفوظات آپ ہماری ویب سائٹ
https://readngrow.online
پر بالکل مفت میں پڑھ سکتے ہیں ۔
براہ مہربانی یہ پوسٹ اپنے واٹس ایپ اور دیگر سوشل میڈیا پر شئیر کریں ۔