مرد چاہے کیسا ہی بزرگ اور کتنا ہی بوڑھا ہوجاوے عورتوں کو اس سے پردہ واجب ہے

بسلسلہ ملفوظات حکیم الامت حضرت مولانا اشرف علی تھانوی نور اللہ مرقدہ

ارشاد فرمایا کہ ایک بزرگ تھے۔ وہ اس (پردہ کے معاملہ )میں احتیاط نہ کرتے تھے ، اس لئے کہ بوڑھے بہت تھے۔غیر اولی الاربۃ(ترجمہ: جن کے دل میںکوئی (جنسی) تقاضا نہیں ہوتا۔ سورہ نور، آیت ۳۱) میں داخل ہوگئے تھے اس لئے ان کو عورتوں سے زیادہ اجتناب نہ تھا۔ ایک دوسرے بزرگ نے ان کو نصیحت کی ، انہوں نے نہ مانا۔ ان بے احتیاط بزرگ نے حضور ﷺ کو خواب میں دیکھا تو یہ مسئلہ پوچھا ۔ فرمایا کہ اگر مرد جنید ہو اور اور عورت رابعہ بصریہ ہو اور وہ دونوں ایک کمرہ میں تنہا ہوں تو ثالث ان کا شیطان ہوگا۔ اور آدمی خواہ کسی قدر بوڑھا ہوجاوے لیکن مادہ تو اس کے اندر باقی رہتا ہی ہے ۔ وہ فرشتہ تو ہے نہیں ہاں یہ اور بات ہے کہ کچھ نہ کرسکے لیکن نظر سے تو محفوظ نہیں رہ سکتا اور کیسے محفوظ رہ سکتا ہے ۔ مرد کے اندر تو عورت کی طرف میلان خلقۃََ پیدا کیا گیا ہے ۔ کوئی اس فطری جوش کو کیسے روک سکتا ہے۔ (جواہر حکیم الامت،صفحہ ۱۸۸)

حکیم الامت حضرت مولانا اشرف علی تھانوی رحمہ اللہ تعالیٰ کے یہ ملفوظات احکام پردہ کے متعلق ہیں ۔ ۔ خود بھی پڑھیں اور دوستوں سے بھی شئیر کریں ۔
مزید ملفوظات پڑھنے کے لئے ہماری ویب سائٹ
https://readngrow.online
اپنے پاس محفوظ کرلیں ۔
اس طرح کے ملفوظات روزانہ اس واٹس ایپ چینل پر بھی بھیجے جاتے ہیں
https://whatsapp.com/channel/0029VaJtUph4yltKCrpkkV0r
چینل جوائن کریں