محض تعلیم بغیر صحبت کے کافی نہیں

ملفوظاتِ حکیم الامت مجدد الملت حضرت مولانا محمد اشرف علی تھانوی رحمۃ اللہ علیہ

ارشاد فرمایا کہ تعلیم بغیر صحبت (نیک) کے کافی نہیں، زیادہ تر صحبت کی ضرورت ہے۔ کیونکہ علم زیادہ مقصود نہیں بلکہ اثرِعلم مقصود ہے اور یہ بزرگوں کی صحبت سے حاصل ہوتا ہے البتہ علم معین ہوجاتا ہے۔ صحابہ کرام رضی اللہ عنہم سب پڑھے لکھے نہیں تھے لیکن محض صحبت آنحضرت صلی اللہ علیہ وسلم نے ان کو اعلیٰ درجہ کمال تک پہنچایا تھا۔

نیز فرمایا کہ اگر کتابی علم کامل ہو تربیت نہ ہو تو چالاکی اور دھوکا دہی کا مادہ پیدا ہوجاتا ہے۔ اسی طرح اگر کتابی علم سے جاہل ہو اور تربیت بھی نہ ہو تب بھی یہی حالت ہوتی ہے۔ غرض علم بغیر تربیت کے عیاری پیدا کرنے والا ہے۔

نوٹ:- یہ ملفوظات ڈاکٹر فیصل صاحب (خلیفہ شیخ الحدیث حضرت مولانا عبدالمتین بن حسین شاہ صاحب دامت برکاتہم العالیہ) نے انتخاب فرمائے ہیں۔ اور انکو حضرت مولانا محمد زبیر صاحب (فاضل جامعہ دارالعلوم الاسلام لاہور 2023) نے تحریر فرمایا ہے ۔
یہ ملفوظات آپ ہماری ویب سائٹ
https://readngrow.online
پر بالکل مفت میں پڑھ سکتے ہیں ۔
براہ مہربانی یہ پوسٹ اپنے واٹس ایپ اور دیگر سوشل میڈیا پر شئیر کریں ۔