مجاہدہ

ارشاد فرمایا کہ عام طور پر مجاہدے کے بغیر روحانی ترقی ممکن نہیں ۔ تن آسانی اور نفس پروری روحانیت کے لیے سم قاتل ہیں ، ان سے بچنا اور نفس پر جبر کرکے اللہ و رسول کی اتباع کرنا لازم ہے ۔ اس کا بدل کوئی وظیفہ نہیں ، نہ کوئی شغل اس کا عوض ہے۔
کسی عذر کی وجہ سے اگر کوئی شخص ایک عرصے تک مستقل بیٹھا رہے تو جسم ناکا رہ ہوجاتا ہے ، اعضاء مفلوج ہوجاتے ہیں ۔ ایسی حالت میں اگر دوبارہ چلنا دوڑنا چاہتا ہے تو علاج یہی ہے کہ چلنا شروع کردے، گو ابتدائََ تکلیف کے ساتھ ، تھوڑے وقت اور تھوڑی مسافت تک۔ پھر اسے کماََ و کیفاََ بڑھائے، بغیر سہارے کے، لمبے دورانیے کے لیے ؛ بالکل اسی طرح اطاعت پر آنے کے لیے اطاعت ہی کرنا پڑتی ہے ، کوئی دوسرا وظیفہ و دوا نہیں لہٰذا ہمت کر کے نفس کے خلاف اطاعت ِ رب اور اطاعت ِ نبی علیہ السلام بجا لائے۔ یہی اصل ہے بس!۔
( مؤرخہ۱۳ رمضان المبارک بمطابق ۱۸ مئی ۲۰۱۹ء،بروز ہفتہء، بمقام جامع مسجد،اسلامک دعوۃ اکیڈمی، لیسٹر، برطانیہ)

ازافادات محبوب العلماء حضرت مولانا سلیم دھورات مدظلہ العالی (خلیفہ مجاز مولانا یوسف لدھیانوی شہید رحمہ اللہ تعالیٰ)۔

نوٹ: اس طرح کے دیگر قیمتی ملفوظات جو اکابر اولیاء اللہ کے فرمودہ قیمتی جواہرات ہیں ۔ آپ ہماری ویب سائٹ
https://readngrow.online/
پر بالکل مفت میں پڑھ سکتے ہیں ۔ براہ مہربانی یہ پوسٹ اپنے واٹس ایپ ودیگر سوشل میڈیا پر شئیر کریں ۔
اور ایسے قیمتی ملفوظات ہمارے واٹس ایپ چینل پر بھی مستقل شئیر کئے جاتے ہیں ۔ چینل کو فالو کرنے کے لئے یہ لنک وزٹ کریں
https://whatsapp.com/channel/0029VaJtUph4yltKCrpkkV0r
شکریہ ۔