لڑکی کے رشتہ میں جلد بازی نہ کرے بلکہ خوب دیکھ بھال کر اطمینان حاصل کرلے

بسلسلہ ملفوظات حکیم الامت حضرت مولانا اشرف علی تھانوی نور اللہ مرقدہ

ارشاد فرمایا کہ عورتوں کو بیاہ شادی کا چوچلہ سوجھتا ہے ، کچھ نہیں دیکھتیں ، موقع بے موقع شادی کر دیتی ہیں ۔ چنانچہ ایک بی بی نے اپنی لڑکی کا نکاح باوجود منع کرنے کے محض اس لیے کر دیا کہ شاید میں مر جاؤں۔ بعد میں تحقیق ہوئی کہ وہ بڑا ظالم ہے، ایک انگریز سے لڑا ، پھر سزا کے خوف سے جنگ میں نام لکھا دیا ،وہ سب سے لڑتاپھرتا ہے۔ اب جو لوگوں کی ممانعت اس کو یاد دلائی جاتی ہے تو کہتی ہے کہ کیا کروں ،اس کی قسمت۔ اس پر فرمایا کہ ایسا دل میں آتا ہے کہ ایسے کہنے والے کا گلا گھونٹ دوں۔ اس کا تو یہ مطلب ہے کہ ہماری تو کوئی خطا نہیں ، اللہ میاں کی خطا ہے (نعوذباللّٰہ من ذالک)۔(صفحہ ۱۳۰،اسلامی شادی)

حکیم الامت حضرت مولانا اشرف علی تھانوی رحمہ اللہ تعالیٰ کے یہ ملفوظات نکاح یعنی اسلامی شادی سے متعلق ہیں ۔ ۔ خود بھی پڑھیں اور دوستوں سے بھی شئیر کریں ۔
مزید ملفوظات پڑھنے کے لئے ہماری ویب سائٹ
https://readngrow.online
اپنے پاس محفوظ کرلیں ۔
اس طرح کے ملفوظات روزانہ اس واٹس ایپ چینل پر بھی بھیجے جاتے ہیں
https://whatsapp.com/channel/0029VaJtUph4yltKCrpkkV0r
چینل جوائن کریں