عورتوں کے لئے ….شوہر کا دل نرم کرنے کا وظیفہ (18)۔

عارف باللہ حضرت شاہ حکیم اختر صاحب رحمہ اللہ تعالیٰ کے ایک رسالہ “حقوق الرجال” میں لکھا ہے :۔
اگر شوہر تمہیں ستاتا ہے، غصہ والا ہے اور ذرا ذرا سی بات پر ڈانٹ لگاتا ہے تو ماں باپ کو کہنے سے کچھ نہیں ہوگا ۔ (اگر بہت زیادہ اپنے ماں باپ کو شکایت لگا لی) تو یہی ہوگا کہ ماں باپ مقدمہ کردیں گے اور بات بڑھتے بڑھتے طلاق کی نوبت آجائیگی ۔ تمہارا گھر برباد ہوجائیگا اور بچے بھی چھوٹ جائیں گے ۔
لہٰذا میں تم سب کو ایک وظیفہ بتاتا ہوں
بسم اللہ الرحمن الرحیم
سات مرتبہ پڑھ کر پانی پر دم کرلو ۔ اور جب بھی ہنڈیا پکاؤ تو اسی پانی سے پکاؤ اور گھر میں موجود پینے کے پانی پر بھی دم کردو ۔ پورا گھر رحمت والا بن جائے گا ۔ غصہ کی بیماری دور ہوجائیگی ۔
حضرت رحمہ اللہ تعالیٰ فرماتے ہیں : جدہ سے میرے پاس ایک خط آیا ۔ ایک صاحب نے لکھا تھا کہ میری بیوی سے لڑائی ہے، بچوں سے بھی لڑائی ہے اور سب سے لڑائی ہے کیونکہ مجھے غصہ کا مرض ہے ۔
میں نے کہا:جب بھی دسترخوان بچھاؤ کھانے پر بسم اللہ الرحمن الرحیم پڑھ کر دم کردو
ایک ماہ بعد مجھے جدہ سے خط موصول ہوا کہ جب سے یہ عمل شروع کیا ہے تب سے گھر میں برکتیں نازل ہورہی ہیں اور رحمت کا مادہ سب میں پیدا ہوگیا ہے ۔
دوسرا مجرب وظیفہ:۔
ایک دوسرا وظیفہ بھی بتا دیتا ہوں
یا سُبُّوحُ ۔۔ یَا قُدُّوسُ
یَا غَفُوْرُ۔۔۔ یَا وَدُوْدُ
یہ چار نام عورت اپنے دل ہی دل میں پڑھتی رہے اور اگر شوہر پانی مانگے تو اُس پر یہ اسماء دم کرکے پانی پلا دو ۔ اگر ساس کی طرف سے پریشانی ہو تو اُسکو بھی یہی اسماء دم کرکے پلا دو ۔ ان شاء اللہ ساس بھی تمہارے ساتھ بیٹی جیسا سلوک کرے گی ۔

نوٹ : یہ ’’آج کی بات‘‘ ایک بہت ہی مفید سلسلہ ہے جس میں حذیفہ محمد اسحاق کی طرف سے مشاھدات،خیالات اور تجربات پر مبنی ایک تحریر ہوتی ہے ۔ یہ تحریر ہماری ویب سائٹ
https://readngrow.online/
پر مستقل شائع ہوتی ہے ۔ ہر تحریر کے عنوان کے آگے ایک نمبر نمایاں ہوتا ہے ۔ جس اسکی قسط کو ظاہر کرتا ہے کہ یہ کون سی قسط ہے ۔ پچھلی قسطیں بھی ہماری ویب سائٹ پر دستیاب ہیں ۔ اگر کوئی پیغام یا نصیحت یا تحریر آپکو پسند آتی ہے تو شئیر ضرور کریں ۔ شکریہ ۔
مزید اپڈیٹس کے لئے ہمارے واٹس ایپ چینل کو ضرور فالو کریں
https://whatsapp.com/channel/0029Vb0Aaif4o7qSPFms4g1M