عورتوں کو اہم نصیحتیں (قسط دوم)۔

ملفوظاتِ حکیم الامت مجددالملت حضرت مولانا محمد اشرف علی تھانوی رحمۃ اللہ علیہ

۔(2)۔

۔( ۷ ) خلافِ شرع لباس مت پہنو جیسے ایسا کرتہ کہ جس میں پیٹ، پیٹھ یا کلائی یا بازو کھلے ہوں، یا ایسا باریک کپڑا جس میں بدن یا سر کے بال جھلکتے ہوں یہ سب چھوڑ دو ۔

۔( ۸ ) لمبی آستینوں کا اور نیچا اور موٹے کپڑے کا( جس سے بدن نہ جھلکے ) لباس بناؤ اور ایسے ہی کپڑے کا دوپٹہ ہو۔ اور دوپٹہ دھیان کرکے سر سے مت ہٹنے دو۔ ہاں گھر میں اگر خالی عورتیں ہوں یا اپنے ماں باپ اور حقیقی بھائی کے سوا گھر میں کوئی اور ( یعنی نامحرم ) نہ ہوتو اس وقت سر کھولنے میں ڈر نہیں۔

۔( ۹ ) کسی کو جھانک تاک کر مت دیکھو۔

۔( ۱۰ ) کوئی کام نام کے واسطے مت کرو۔

۔( ۱۱ ) کوسنے اور طعنہ دینے اور غیبت سے زبان کو بچاؤ۔

۔( ۱۲ ) پانچوں وقت نماز اول وقت پڑھو اور جی لگا کر ٹھہر ٹھہر کر پڑھو ۔رکوع سجدہ اچھی طرح کرو۔

نوٹ:- یہ ملفوظات ڈاکٹر فیصل صاحب (خلیفہ شیخ الحدیث حضرت مولانا عبدالمتین بن حسین شاہ صاحب دامت برکاتہم العالیہ) نے انتخاب فرمائے ہیں۔ اور انکو حضرت مولانا محمد زبیر صاحب (فاضل جامعہ دارالعلوم الاسلام لاہور 2023) نے تحریر فرمایا ہے ۔
یہ ملفوظات آپ ہماری ویب سائٹ
https://readngrow.online
پر بالکل مفت میں پڑھ سکتے ہیں ۔
براہ مہربانی یہ پوسٹ اپنے واٹس ایپ اور دیگر سوشل میڈیا پر شئیر کریں ۔