عمر بھر یاد رکھنے کے لئے ایک قاعدہ

ملفوظاتِ حکیم الامت مجددالملت حضرت مولانا محمد اشرف علی تھانوی رحمۃ اللہ علیہ

ارشادفرمایا کہ ایک قاعدہ کلیہ عمر بھر یاد رکھنے کے قابل ہے کہ جوامور اختیار میں ہوں اور فضول نہ ہوں ان کا تو قصد کرے اور جو اختیاری نہ ہوں ان کا ہرگز قصد نہ کرے ۔اس طرح اگر زندگی بسر کرے تو اس کی دین و دنیا دونوں درست ہو جائیں ۔ پریشانی تو ایسے شخص کے پاس بھی نہیں پھٹکتی ۔خداتعالیٰ سے اپنادل لگاۓ رکھے۔جس کو پریشانی نہ ہوگی دل بھی اس کا خدا تعالی کی طرف لگ سکتا ہے ورنہ پریشانی میں آدمی عبادت بھی نہیں کرسکتا ۔ جمعیت بڑی دولت ہے مگر پھر پریشانی بھی وہی مضر ہے جو اپنے اختیار سے لائی جائے اور جس پر پیشانی میں اپنے اختیار کو دخل نہ ہو وہ ذرا بھی مضر نہیں بلکہ مفید ہے۔

نوٹ:- یہ ملفوظات ڈاکٹر فیصل صاحب (خلیفہ عبدالمتین شاہ صاحب دامت برکاتہم العالیہ) نے انتخاب فرمائے ہیں۔ اور انکو حضرت مولانا محمد زبیر صاحب (فاضل جامعہ دارالعلوم الاسلام لاہور 2023) نے تحریر فرمایا ہے ۔
یہ ملفوظات آپ ہماری ویب سائٹ
https://readngrow.online
پر بالکل مفت میں پڑھ سکتے ہیں ۔
براہ مہربانی یہ پوسٹ اپنے واٹس ایپ اور دیگر سوشل میڈیا پر شئیر کریں ۔