طلبہ کرام کو نصیحت

ملفوظاتِ حکیم الامت مجدد الملت حضرت مولانا محمد اشرف علی تھانوی رحمۃ اللہ علیہ

ارشاد فرمایا کہ کتبِ درسیہ کی فراغت کے بعد آپ کے ذمہ واجب العمل ہے کہ اگر ظاہری علوم کی

تحصیل میں دس سال ختم کئے ہیں تو باطن کی درستی میں فی سال ایک ماہ ہی خرچ کر دیجئے یعنی کم از کم دس مہینہ ہی کسی کامل کی خدمت میں صرف کیجئے اور اس کے ارشاد کے مطابق عمل کیجئے۔ خدا کی عادت ہے کہ اس کی برکت سے دولتِ خشوع عطا فرماتے ہیں اور علم کا اثر قلب کے اندر پیوست ہوجاتا ہے۔

نیز ایک اور مقام پر فرمایا کہ فراغت کے بعد طلبہ التزاماً محققین اہل اللہ کی خدمت میں حسبِ گنجائش قیام کریں اور ان سے عملاً آداب و اخلاق سیکھیں اور ان کی صحبت سے برکت حاصل کریں اور چندے (کچھ عرصے) ان کی خدمت میں آمدو رفت رکھیں جس سے کہ نسبتِ باطنہ ایک گونہ راسخ ہوجائے۔ تب خلق اللہ کے ارشاد کو اپنے ہاتھ میں لیں۔ ان شاءاللہ عموماً اہلِ اسلام ان سے وابستہ ہوکر جھوٹوں کو چھوڑ دیں گے۔

نوٹ:- یہ ملفوظات ڈاکٹر فیصل صاحب (خلیفہ شیخ الحدیث حضرت مولانا عبدالمتین بن حسین شاہ صاحب دامت برکاتہم العالیہ) نے انتخاب فرمائے ہیں۔ اور انکو حضرت مولانا محمد زبیر صاحب (فاضل جامعہ دارالعلوم الاسلام لاہور 2023) نے تحریر فرمایا ہے ۔
یہ ملفوظات آپ ہماری ویب سائٹ
https://readngrow.online
پر بالکل مفت میں پڑھ سکتے ہیں ۔
براہ مہربانی یہ پوسٹ اپنے واٹس ایپ اور دیگر سوشل میڈیا پر شئیر کریں ۔