صدقہ سے مال کم نہیں ہوتا

ملفوظاتِ حکیم الامت مجددالملت حضرت مولانامحمد اشرف علی تھانوی رحمۃ اللہ علیہ

حضرت ابو ہریرہ رضی اللہ عنہ سے روایت ہے کہ رسول اللہ ﷺ نے فرمایا کہ صدقہ خیرات دینا مال کو کم نہیں ہونے دیتا ( اور اس کی صورتیں مختلف ہوتی ہیں ، خواہ آمدنی بڑھ جائے یا برکت بڑھ جائے یا ثواب بڑھتا جائے ) ۔ صاحبو! صدقہ خیرات سے مال کم نہیں ہوتا ، اس کی بالکل ایسی مثال ہے جیسے کنواں کہ اگر اس میں سے پانی نکلتا رہے بھرائی ہوتی رہے تو پانی کی آمد ہوتی رہتی ہے اور اگر بھرائی نہ ہو تو کچھ دنوں کے بعد سوت (چشمہ ) بند ہو جاتا ہے اور کنواں سوکھ جاتا ہے۔ نیز اسی ضمن میں فرمایا کہ ( مال کم نہ ہونے کا یہ مطلب نہیں کہ دس روپیہ سے اگر دو رو پیہ دے دو تو وہ آٹھ نہ رہیں گے دس ہی رہیں گے بلکہ مطلب یہ ہے کہ مال چوری سے اور دوسری آفتوں سے محفوظ ہو جاتا ہے، یہ کیا تھوڑی بات ہے؟

نوٹ:- یہ ملفوظات ڈاکٹر فیصل صاحب (خلیفہ شیخ الحدیث حضرت مولانا عبدالمتین بن حسین شاہ صاحب دامت برکاتہم العالیہ) نے انتخاب فرمائے ہیں۔ اور انکو حضرت مولانا محمد زبیر صاحب (فاضل جامعہ دارالعلوم الاسلام لاہور 2023) نے تحریر فرمایا ہے ۔
یہ ملفوظات آپ ہماری ویب سائٹ
https://readngrow.online
پر بالکل مفت میں پڑھ سکتے ہیں ۔
براہ مہربانی یہ پوسٹ اپنے واٹس ایپ اور دیگر سوشل میڈیا پر شئیر کریں ۔