صبر و شکر

ارشاد فرمایا کہ انسان پر دو میں سے ایک حالت ہمیشہ رہتی ہے ۔ آسودگی یا خستگی۔ آسودہ حالی میں طبعی طور پر دل میں شکر گذاری کا جذبہ پیدا ہوتا ہے ۔ پھر نص قطعی سے یہ بات ثابت ہے کہ شکر گذاری نعمتوں میں اضافے کا سبب ہے لہٰذا یہ نسبتاََ سہل ہے۔
اس کے برعکس مصائب و خستہ حالی انسان کو احساس ِ محرومی ، مظلومیت اور مایوسی سے دوچار کرتی ہیں اس لیے طبعاََ صبر کرنا مشکل اور شکر کرنا مشکل تر معلوم ہوتا ہے۔ تاہم یہ بات جان لینا چاہئے کہ مشکلات پر صبر کی توفیق اللہ کی رحمت کی علامت ہے کیوں کہ یہ گناہوں سے پاکی کا ذریعہ ہے ۔ اور اگر اس سے آگے بڑھ کر شکر کی توفیق ہوجائے تو یہ اللہ کے بہت بڑے فضل اور ترقی ٔ درجات کا ثبوت ہے ۔ اور ان دونوں درجات کے حصول کے لیے ذکر اللہ کی کثرت بہت نافع ہے۔
( مؤرخہ ۶اکتوبر ۲۰۱۹ء، ۴۶واں سالانہ جلسہ برائے نوجوانان بعد صلوٰۃ الظہر، اسلامک دعوۃ اکیڈمی، لیسٹر، برطانیہ)

ازافادات محبوب العلماء حضرت مولانا سلیم دھورات مدظلہ العالی (خلیفہ مجاز مولانا یوسف لدھیانوی شہید رحمہ اللہ تعالیٰ)۔

نوٹ: اس طرح کے دیگر قیمتی ملفوظات جو اکابر اولیاء اللہ کے فرمودہ قیمتی جواہرات ہیں ۔ آپ ہماری ویب سائٹ
https://readngrow.online/
پر بالکل مفت میں پڑھ سکتے ہیں ۔ براہ مہربانی یہ پوسٹ اپنے واٹس ایپ ودیگر سوشل میڈیا پر شئیر کریں ۔
اور ایسے قیمتی ملفوظات ہمارے واٹس ایپ چینل پر بھی مستقل شئیر کئے جاتے ہیں ۔ چینل کو فالو کرنے کے لئے یہ لنک وزٹ کریں
https://whatsapp.com/channel/0029VaJtUph4yltKCrpkkV0r
شکریہ ۔