شیخ کامل کو فن سے مناسبت شرط ہے

بسلسلہ ملفوظات حکیم الامت حضرت مولانا اشرف علی تھانوی نور اللہ مرقدہ

ارشاد فرمایا کہ اس طریق میں سب سے نازک چیز اصلاح کا کام ہے ۔ یہ بدون شیخ کامل کے نہیں ہواور شیخ کامل سے مراد بزرگ ، ولی ، قطب، غوث نہیں بلکہ فن داں مراد ہے جس کو فن سے مناسبت ہو۔ پھر اگر اس کے ساتھ تقویٰ طہارت بھی ہو تو اس کی تعلیم میں نور ہوگا، برکت ہوگی لیکن خود فن کے لیے وہ شرط نہیں ۔ یہ بالکل فن طب کی طرح پر ایک فن ہے تو جیسے طبیب ِ جسمانی کا بزرگ ، ولی ، قطب، غوث ہونا شرط نہیں ایسے ہی یہاں بھی شرط نہیں ۔ ہاں فن داں ہو ، فن کو جانتا ہو ، یہ اصلاح کے لیے کافی ہے اور اگر بزرگ ، ولی ، قطب، غوث ہو مگر فن نہ جانتا ہو تو وہ اصلاح نہیں کرسکتا۔(آداب ِ شیخ و مرید، صفحہ صفحہ ۱۹۷)

حکیم الامت حضرت مولانا اشرف علی تھانوی رحمہ اللہ تعالیٰ کے یہ ملفوظات شیخ و مرید کے باہمی ربط اور آداب سے متعلق ہیں ۔ خود بھی پڑھیں اور دوستوں سے بھی شئیر کریں ۔
مزید ملفوظات پڑھنے کے لئے ہماری ویب سائٹ
https://readngrow.online
اپنے پاس محفوظ کرلیں ۔
اس طرح کے ملفوظات روزانہ اس واٹس ایپ چینل پر بھی بھیجے جاتے ہیں
https://whatsapp.com/channel/0029VaJtUph4yltKCrpkkV0r
چینل جوائن کریں