شیخ محی الدین ابن عربی رحمہ اللہ

حضرت شیخ الکل محی الدین ابن عربی فرماتے ہیں مجھے ایک شخص سے اس لیے عداوت ہو گئی کہ وہ شیخ ابو مدین کو ناگوار طعن آمیز باتوں سے یاد کرتا تھا۔ ایک روز میںنے حضرت محمد صلی اللہ علیہ وآلہ وسلم کو خواب میں دیکھا ۔
گویا آپ صلی اللہ علیہ وآلہ وسلم فرما رہے ہیں۔ محی الدین تم فلاں شخص سے کیوں عداوت رکھتے ہو۔ میں نے عرض کیا یا رسول اﷲ صلی اللہ علیہ وآلہ وسلم وہ ابو مدین جیسے معزز و مقتدر شخص کو برا کہتا ہے اور میں ان کا معتقد ہوں۔
آپ صلی اللہ علیہ وآلہ وسلم نے فرمایا۔ کیا وہ شخص خدا تعالیٰ اور رسول اﷲ صلی اللہ علیہ وآلہ وسلم کو دوست نہیں رکھتا۔
میں نے عرض کیا جی ہاں۔ خدا تعالیٰ اور رسول اﷲ صلی اللہ علیہ وآلہ وسلم کو تو دوست رکھتا ہے۔ اس پر حضرت محمد رسول اﷲ صلی اللہ علیہ وآلہ وسلم نے فرمایا تو تم اس وجہ سے کہ وہ ابو مدین سے دشمنی رکھتا ہے اس سے عداوت رکھتے ہو۔
اور خدا تعالیٰ اور رسول اﷲ صلی اللہ علیہ وآلہ وسلم کی محبت کی وجہ سے اسے دوست نہیں رکھتے۔ چنانچہ صبح میں نے اپنے برے خیالات سے توبہ کی اور اس کے مکان پر گیا اور اپنے ساتھ ایک قیمتی چادر لیتا گیا جو اس کو پیش کی اور راضی کیا۔(برکات درود شریف)

اگرآپ کو یہ واقعہ پسند آیا ہے تو اسکو شئیر ضرور کریں اور اس طرح کے دیگر اسلامی واقعات اور اولیاء اللہ کے حالات و تذکرے آپ ہمارے ویب سائٹ
https://readngrow.online
پر بالکل مفت میں پڑھ سکتے ہیں ۔
تمام اسلامی مواد اور دیگر کیٹگریز کو دیکھنے کے لئے یہ لنک وزٹ کریں
https://readngrow.online/readngrow-categories/
نیز ہم اس ویب سائٹ کی مفید چیزوں کو اس واٹس ایپ چینل پر بھی شئیر کرتے رہتے ہیں ۔
https://whatsapp.com/channel/0029VaviXiKHFxP7rGt5kU1H
یہ چینل فالو کرلیں ۔