سفر حج میں جماعت سے نماز نہ پڑھنے کی بے برکتی

حضرت خواجہ نصیر الدین محمود چراغ دہلوی رحمۃ اللہ علیہ نے ایک واعظ کی حکایت بیان فرمائی جس کے وعظ میں بہت اثر تھا مگر حج سے آنے کے بعد وہ اثر نہ رہا۔ اس نے بیان کیا کہ خداوند عالم الغیب خوب جانتا ہے کہ اس عرصہ میں کہ میں گیا اور آیا ہوں کوئی جرم و گناہ مجھ سے نہیں ہوا ہے ، سوائے ایک قصور کے اور میں نے جبھی جان لیا تھا کہ کوئی عمدہ نعمت مجھ سے چھین لی جائے گی اور ویسا ہی ہوا۔ اور وہ خطا یہ تھی کہ ایک نماز باجماعت مجھ سے فوت ہوگئی کہ امام کے ساتھ ہو کر بھی جماعت سے محروم رہا ، یہ بے لطفی اس کی شامت ہے۔ یہ کہہ کر حضرت خواجہ نصیر الدین محمود چراغ دہلوی رحمۃ اللہ علیہ پر گریہ طاری ہوا اور حاضرین بھی رونے لگے کہ ایک نماز باجماعت فوت ہونے کے سبب سے کہ وہ بھی وقت پر پڑھی مگر تنہا پڑھی ، یہ خرابی واقع ہوئی اور قبولیت ِ عام جاتی رہی تو جو لوگ بیچارے بالکل جماعت سے نماز نہیں پڑھتے اور اکثر ان کی نمازیں قضا ہوجاتی ہیں ، ان کا کیا حال ہوگا، اور کتنی نعمتوں اور فوائد سے محروم رہتے ہوں گے۔ (امدادالحجاج ،صفحہ ۱۹۱)

حکیم الامت حضرت مولانا اشرف علی تھانوی رحمہ اللہ تعالیٰ کے یہ ملفوظات جو حج سے متعلق ہیں ۔ خود بھی پڑھیں اور دوستوں سے بھی شئیر کریں ۔
مزید ملفوظات پڑھنے کے لئے ہماری ویب سائٹ
https://readngrow.online
اپنے پاس محفوظ کرلیں ۔
اس طرح کے ملفوظات روزانہ اس واٹس ایپ چینل پر بھی بھیجے جاتے ہیں
https://whatsapp.com/channel/0029VaJtUph4yltKCrpkkV0r
چینل جوائن کریں