سرسید نے لاکھوں مسلمانوں کے ایمان برباد کئے

ایک صاحب نے عرض کیا کہ سر سید کی وجہ سے زیادہ ہندوستان میں گڑ بڑ پھیلی لوگوں کے عقائد خراب ہوئے فرمایا کہ گڑ بڑ کیا معنی اس شخص کی وجہ سے ہزاروں لاکھوں مسلمانوں کے ایمان تباہ اور برباد ہوگئے۔ ایک بہت بڑا گمراہی کا پھاٹک کھل گیا اس کے اثر سے اکثر نیچری ایمان سے کورے ہوتے ہیں ہمارے قصبات میں ایک شخص انگریزی خواں وکیل ہے اس نے جناب رسول اللہ صلی اللہ علیہ وآلہ وسلم کے متعلق یہ کہا کہ ہم تسلیم کرتے ہیں کہ آپ بہت بڑے قوم کے رفارمر تھے آپ نے عرب جیسی جاہل قوم کی اصلاح کی۔ آپ بہت بڑے مصلح ہیں اس وقت کے مطابق اصلاح فرمائی باقی پیغمبری یہ محض ایک مذہبی خیال ہے اور اس وقت کیلئے وہ اصلاحات کافی نہیں یوں ہی لوگ لکیر کے فقیر بنے ہوئے ہیں باقی اس سے کوئی یہ خیال نہ کرے کہ میں اس سے آپ کی توہین کرنا چاہتا ہوں نہیں نہیں میں ان کو ایک بہت بڑا رفارمر اور مصلح سمجھتا ہوں میرے دل میں آپ کی قدر ہے اب ایسے بد فہموں اور بد عقلوں کا کیا علاج اور کیا فتویٰ دیا جائے۔(ملفوظات حکیم الامت جلد نمبر ۶)