دوسروں کو ایذارسانی سے بچانا

ملفوظاتِ حکیم الامت مجدد الملت حضرت مولانا محمد اشرف علی تھانوی رحمۃ اللہ علیہ

ارشاد فرمایا کہ ایک مرتبہ میں (وظیفہ) پڑھ رہا تھا کہ ایک صاحب میری پشت کی طرف آکر بیٹھ گئے۔ میں نے ان کو منع کیا، جب نہ مانے تو میں ان کی پشت کی طرف جاکر بیٹھ گیا۔ گھبرا کر فوراً کھڑے ہو گئے، میں نے کہا کہ جناب پشت کی طرف بیٹھنا اگر بری بات ہے تب تو آپ باوجود منع کرنے کے اس سے کیوں نہیں باز آئے اور اگر اچھی بات ہے تو مجھے کیوں نہیں کرنے دیتے اور میں نے کہا کہ آپ اندازہ کر لیجئے کہ میری پشت کی جانب بیٹھنے سے آپ کو کس قدر گرانی ہوئی، اس سے میری تکالیف کا اندازہ کرلیجئے اور اگر بجائے میرے کوئی دوسرا اس طرح بیٹھ جائے تب بھی گرانی یقینی ہے، گو میرے بیٹھنے میں اور اس کے بیٹھنے میں کچھ تفاوت (فرق) ہو مگر ایذارسانی کا تو کوئی جزو بھی بلا ضرورت جائز نہیں۔

نوٹ:- یہ ملفوظات ڈاکٹر فیصل صاحب (خلیفہ شیخ الحدیث حضرت مولانا عبدالمتین بن حسین شاہ صاحب دامت برکاتہم العالیہ) نے انتخاب فرمائے ہیں۔ اور انکو حضرت مولانا محمد زبیر صاحب (فاضل جامعہ دارالعلوم الاسلام لاہور 2023) نے تحریر فرمایا ہے ۔
یہ ملفوظات آپ ہماری ویب سائٹ
https://readngrow.online
پر بالکل مفت میں پڑھ سکتے ہیں ۔
براہ مہربانی یہ پوسٹ اپنے واٹس ایپ اور دیگر سوشل میڈیا پر شئیر کریں ۔