درود شریف پڑھنے میں ہمارے نفع کی مثال

ملفوظاتِ حکیم الامت مجدد الملت حضرت مولانا محمد اشرف علی تھانوی رحمۃ اللہ علیہ

ارشاد فرمایا کہ درود شریف پڑھنے میں خود امت کا نفع ہے، باقی درود شریف پڑھنے سے جو حضور صلی اللہ علیہ وسلم کے درجات بلند ہوتے ہیں وہ خود ہی بڑھنے والے ہیں، اگر ہم درود شریف نہ بھی پڑھیں تب بھی حق تعالیٰ شانہ نے آپ کو یہ درجات عطا فرمانا ہیں۔ اس کی ایسی مثال ہے کہ آقا عید کے دن اپنے بیٹے کو خود ہی عیدی دینے والا ہے۔ اگر اس کا نوکر آقا سے سفارش کرے کہ اپنے بچے کو عیدی دو، اس وساطت سے نوکر آقا کی نظر میں بلند مرتبہ ہوجائے گا، لڑکے کا اس میں کوئی نفع نہیں، اگر نوکر نہ بھی کہتا تب بھی اسے عیدی ملتی۔ اب اگر وہ نوکر بے وقوف یہ سمجھنے لگے کہ میں بیٹے سے بھی بڑھا ہوا ہوں، میں نے اس کو روپیہ دلوایا ورنہ اس کو نہ ملتا تو یہ اس کی حماقت ہوگی۔

نوٹ:- یہ ملفوظات ڈاکٹر فیصل صاحب (خلیفہ شیخ الحدیث حضرت مولانا عبدالمتین بن حسین شاہ صاحب دامت برکاتہم العالیہ) نے انتخاب فرمائے ہیں۔ اور انکو حضرت مولانا محمد زبیر صاحب (فاضل جامعہ دارالعلوم الاسلام لاہور 2023) نے تحریر فرمایا ہے ۔
یہ ملفوظات آپ ہماری ویب سائٹ
https://readngrow.online
پر بالکل مفت میں پڑھ سکتے ہیں ۔
براہ مہربانی یہ پوسٹ اپنے واٹس ایپ اور دیگر سوشل میڈیا پر شئیر کریں ۔