حکایت شاہ عبدالرحیم صاحب رحمہ اللہ

حکیم الامت حضرت تھانوی رحمہ اللہ نے فرمایا: شاہ عبدالرحیم صاحب کے پہلے پیر کا نام بھی شاہ عبدالرحیم صاحب ہی تھا فرماتے تھے کہ ایک مرتبہ میں اپنے پیر کا سردبا رہاتھا۔۔۔۔۔ پیر صاحب نے کہا کہ خوب اچھی طرح زور سے دبائو۔۔۔۔۔ میرے دل میں خیال آیا کہ بہت زور سے دبائوں گا تو سرخربوزے کی طرح پچک جاوے گا (کیونکہ شاہ صاحب خوب قوی تھے) پیر صاحب نے فرمایا کہ نہیں بھائی تم خوب زور سے دبائو۔۔۔۔۔ خربوزے کی طرح نہیں پچکے گا۔۔۔۔۔ پھر فرمایا کہ وہ صاحب کشف تھے اور ان سے خوارق بہت صادر ہوتے تھے۔۔۔۔۔ ایک لڑائی میں توپ کا منہ بند کر دیا تھا۔۔۔۔۔ روم کا ایک عنین آدمی جو اپنے ملک سے بغرض علاج آیا تھا۔۔۔۔۔ آپ کی خدمت میں حاضر ہوا اور اپنا حال بیان کیا کہ میری بیوی بوجہ میرے نامردہونے کے طلاق مانگتی ہے۔۔۔۔۔ میں کچھ مدت مقرر کر کے بغرض علاج آیا ہوں اور کہہ آیا ہوں کہ اگر اتنی مدت تک واپس نہ آئوں تو تجھ کو تین طلاق اور اب اس مدت میں ایک ہی یا دو تین دن رہ گئے ہیں۔۔۔۔۔ اب وہا ںکس طرح پہنچوں؟ آپ اس شخص کو کوٹھڑی میں لے گئے اور آنکھیں بند کرائیں۔۔۔۔۔ اس نے دیکھا کہ میں اپنے مکان کے صحن میں کھڑا ہوں۔۔۔۔۔ یہ خرق عادت قطع مسافت کی آپ کی ظہور میں آئی۔۔۔۔۔ (حسن العزیز )

اگرآپ کو یہ واقعہ پسند آیا ہے تو اسکو شئیر ضرور کریں اور اس طرح کے دیگر اسلامی واقعات اور اولیاء اللہ کے حالات و تذکرے آپ ہمارے ویب سائٹ
https://readngrow.online
پر بالکل مفت میں پڑھ سکتے ہیں ۔
تمام اسلامی مواد اور دیگر کیٹگریز کو دیکھنے کے لئے یہ لنک وزٹ کریں
https://readngrow.online/readngrow-categories/
نیز ہم اس ویب سائٹ کی مفید چیزوں کو اس واٹس ایپ چینل پر بھی شئیر کرتے رہتے ہیں ۔
https://whatsapp.com/channel/0029VaviXiKHFxP7rGt5kU1H
یہ چینل فالو کرلیں ۔