حضورصلی اللہ علیہ وسلم کے اتباع میں جان و مال قربان

صحابہ کرام کا حال یہ تھا کہ وہ نبی کریم صلی اللہ علیہ وسلم کی اطاعت کیلئے اپنی جان و مال اور جذبات و خواہشات کو ہر آن قربان کرنے کے لئے تیار رہتے تھے، اپنی ہر ہر نشست و برخاست کو آپ کے اسوۂ حسنہ کے مطابق ڈھالنے کی فکر میں رہتے تھے اور اس معاملہ میں ان کے جذبہ اطاعت کا عالم یہ تھا کہ ایک مرتبہ آنحضرت صلی اللہ علیہ وسلم جمعہ کا خطبہ دینے کیلئے تشریف لائے اور جب منبر پر بیٹھ گئے تو کھڑے ہوئے لوگوں سے فرمایا ’’بیٹھ جائو‘‘ اتفاق سے حضرت عبداللہ بن مسعود مسجد کی طرف تشریف لا رہے تھے اور ابھی دروازے تک ہی پہنچے تھے کہ آپ کی یہ آواز کان میں پڑی، حضرت ابن مسعودؓ نے یہ حکم سن کر ایک قدم آگے بڑھانا گوارا نہ کیا اور وہیں دروازے کے پاس بیٹھ گئے، آپ صلی اللہ علیہ وسلم نے ان کا یہ جان نثارانہ جذبہ اطاعت دیکھا تو اس کی تعریف فرمائی اور پھر اندر بلا لیا۔۔۔۔ (کنز العمال ص ۳۳۸ ج۷)
آپ صلی اللہ علیہ وسلم سرچشمہ خوشبو تھے: حضرت انس رضی اللہ عنہ فرماتے ہیں کہ عنبر اور یا مشک اور کوئی خوشبودار چیز جناب رسول صلی اللہ علیہ وسلم کی مہک سے زیادہ خوشبودار نہیں دیکھی جب آپ صلی اللہ علیہ وسلم کسی سے مصافحہ فرماتے تو اس شخص کو سارا دن مصافحہ کی خوشبو آتی رہتی جب کسی کے بچے کے سر پر ہاتھ رکھ دیتے تو وہ خوشبو کی وجہ سے دوسرے لڑکوں میں پہچانا جاتا تھا امام بخاریؒ نے تاریخ کبیر میں بروایت حضرت جابر رضی اللہ عنہ ذکر کیا ہے کہ جناب رسول اللہ صلی اللہ علیہ وسلم جس راستے میں گذرتے اور کوئی شخص آپ صلی اللہ علیہ وسلم کی تلاش میں جاتا تو وہ خوشبو سے پہچان لیتا کہ آپ صلی اللہ علیہ وسلم اس راستے سے تشریف لے گئے ہیں۔۔۔۔(دین و دانش جلد۱)

اگرآپ کو یہ واقعہ پسند آیا ہے تو اسکو شئیر ضرور کریں اور اس طرح کے دیگر اسلامی واقعات اور اولیاء اللہ کے حالات و تذکرے آپ ہمارے ویب سائٹ
https://readngrow.online
پر بالکل مفت میں پڑھ سکتے ہیں ۔
تمام اسلامی مواد اور دیگر کیٹگریز کو دیکھنے کے لئے یہ لنک وزٹ کریں
https://readngrow.online/readngrow-categories/
نیز ہم اس ویب سائٹ کی مفید چیزوں کو اس واٹس ایپ چینل پر بھی شئیر کرتے رہتے ہیں ۔
https://whatsapp.com/channel/0029VaviXiKHFxP7rGt5kU1H
یہ چینل فالو کرلیں ۔