حضرت مقداد بن عمرو رضی اللہ عنہ کا عشق رسول

غزوۂ بدر سے پہلے جب لڑائی شروع ہونے کو تھی تو مہاجرین اور انصار کے سرداروں نے مسلمانوں میں جوش اورہمت بڑھانے کے لئے بڑی پرجوش اور ولولہ انگیز تقریریں کیں۔۔۔۔۔ اس موقع پر حضرت مقدادؓ بن عمرو نے رسول اللہ صلی اللہ تعالیٰ علیہ وآلہٖ وسلم سے اپنی محبت و عقیدت ظاہر کرنے کے لئے جو چند الفاظ کہے وہ تمام تقریروں پر بھاری تھے۔۔۔۔۔
انہوں نے کہا :’’یا رسول اللہ ! ہم موسیٰ علیہ السلام کی قوم کی طرح نہیں ہیں جو کہہ دیں کہ دشمن سے تو اور تیرا اللہ لڑے۔۔۔۔۔ ہم تو آپ صلی اللہ علیہ وسلم کے دائیں لڑیں گے اور بائیں لڑیں گے۔۔۔۔۔ آگے لڑیں گے اور پیچھے لڑیں گے ( خدا کی قسم ! جب تک ہماری جان میں جان ہے آپ صلی اللہ علیہ وسلم کا ساتھ نہ چھوڑیں گے۔۔۔۔۔ )
حضرت مقد اد رضی اللہ تعالیٰ عنہ بڑے لمبے قد کے اور تندرست شخص تھے۔۔۔۔۔ حوصلہ اور دلیری کی وجہ سے مشہور تھے۔۔۔۔۔ اسلام کے اس جیالے سپاہی سے نصرت کے یہ الفاظ سنے تو رسول اللہ صلی اللہ علیہ وسلم کا رُخِ اقدس فرط مسرت سے چمک اٹھا۔۔۔۔۔(شمع رسالت)

اگرآپ کو یہ واقعہ پسند آیا ہے تو اسکو شئیر ضرور کریں اور اس طرح کے دیگر اسلامی واقعات اور اولیاء اللہ کے حالات و تذکرے آپ ہمارے ویب سائٹ
https://readngrow.online
پر بالکل مفت میں پڑھ سکتے ہیں ۔
تمام اسلامی مواد اور دیگر کیٹگریز کو دیکھنے کے لئے یہ لنک وزٹ کریں
https://readngrow.online/readngrow-categories/
نیز ہم اس ویب سائٹ کی مفید چیزوں کو اس واٹس ایپ چینل پر بھی شئیر کرتے رہتے ہیں ۔
https://whatsapp.com/channel/0029VaviXiKHFxP7rGt5kU1H
یہ چینل فالو کرلیں ۔