حضرت تھانوی رحمہ اللہ تعالیٰ کا ارشاد

حضرت حکیم الامت قدس سرہ نے ایک مرتبہ ارشاد فرمایا کہ’’مولوی حسین احمد صاحب بہت شریف طبیعت کے ہیں۔۔۔۔ باوجود سیاسی مسائل میں اختلاف رکھنے کے بھی کوئی کلمہ خلاف حدود ان سے نہیں سنا گیا۔۔۔۔‘‘ (الکلام الحسن حصہ اول صفحہ ۱۷ )
ایضاً: ’’الحیلۃ الناجزہ‘‘ کے سلسلہ میں حضرت مدنی قدس سرہ نے جو سعی فرمائی اس کا ذکر اس طرح فرماتے ہیں:۔
۔’’اخیر میں بغرض طلب دعا عرض کرتا ہوں کہ مولانا حسین احمد صاحب صدر مدرس دارالعلوم دیوبند دامت فیوضہم نے علماء مالکیہ سے فتاویٰ حاصل کرنے میں بہت مدد فرمائی ہے، بلکہ مسئلہ مفقود کے علاوہ دیگر مواقع میں تحقیق احکام کے اصل محرک بھی وہی ہیں۔۔۔۔ نیز مدینہ طیبہ میں مولانا سید احمد صاحب مہتمم مدرسۃ العلوم الشرعیہ نے علماء مالکی سے حصول فتاویٰ میں سعی بلیغ فرمائی اور ہمیشہ نہایت اہتمام سے روانہ فرماتے رہے۔۔۔۔ اشرف علی اوائل ذیقعدہ ۱۳۵۱؁ھ۔۔۔۔ (دیباچہ الحیلۃ الناجزہ صفحہ ۴۱ بحوالہ تکملہ الاعتدال)
کیا ہم بھی اپنے مخالف سے کسی دینی کام میں بھی تعاون حاصل کرتے ہیں اور اس کے تعاون کا شکریہ ادا کرتے ہیں؟۔۔۔