حضرت امام جعفر صادق رضی اﷲ عنہ کو ستانا

۔’’ایک مرتبہ خلیفہ منصور بادشاہ نے اپنے وزیر سے کہا کہ صادق رضی اﷲ عنہ کو لائو کہ قتل کریں۔۔۔۔۔ وزیر نے کہا کہ انہوں نے گوشۂ عبادت اختیار کر رکھی ہے۔۔۔۔۔ ملک سے ہاتھ کو تاہ کرلیا ہے اب ان کے قتل سے کیا فائدہ۔۔۔۔۔ خلیفہ نے کہا نہیں ان کو ضرور لائو۔۔۔۔۔ وزیر نے ہرچند ٹالا مگر خلیفہ نے نہ سنا۔۔۔۔۔ آخر کار وزیر آپ کے بلانے کو گیا۔۔۔۔۔ اس کے جانے کے بعد خلیفہ نے غلاموں سے کہہ دیا کہ جس وقت امام صادق آویں اور میں ٹوپی سر سے اتاروں تم ان کو قتل کر ڈالنا۔۔۔۔۔ اسی اثناء میں حضرت امام جعفر صادق رضی اﷲ عنہ بھی تشریف لائے ان کو دیکھتے ہی منصور تعظیم کو اٹھ کھڑا ہوا اور مسند پر ان کو بٹھایا اور آپ با ادب تمام آگے بیٹھا اور عرض کیا کہ کیا حاجت ہے آپ نے فرمایا کہ پھر مجھے اپنے پاس نہ بلانا۔۔۔۔۔ اور آپ تشریف لے گئے فی الفور خلیفہ بے ہوش ہوکر گر پڑا اور کئی وقت یا کئی روز تک ہوش نہ آیا۔۔۔۔۔ جب افاقہ ہوا تو وزیر نے دریافت کیا کہ یہ کیا معاملہ ہوا ہے۔۔۔۔۔ خلیفہ نے جواب دیا کہ جس وقت حضرت امام اندر آئے ایک اژدہا ان کے ساتھ منہ پھیلائے ہوئے تھا اوریہ معلوم ہوتا تھا کہ اگر میں نے ان کو کچھ بھی تکلیف دی تو وہ مجھ کو کھا جائے گا۔۔۔۔۔ اس خوف سے میں نے عذر کیا اور بے ہوش ہوکر گر پڑا۔۔۔۔۔‘‘ (خزینۂ معرفت ص ۴۳ طبع انجمن ارشاد المسلمین)

اگرآپ کو یہ واقعہ پسند آیا ہے تو اسکو شئیر ضرور کریں اور اس طرح کے دیگر اسلامی واقعات اور اولیاء اللہ کے حالات و تذکرے آپ ہمارے ویب سائٹ
https://readngrow.online
پر بالکل مفت میں پڑھ سکتے ہیں ۔
تمام اسلامی مواد اور دیگر کیٹگریز کو دیکھنے کے لئے یہ لنک وزٹ کریں
https://readngrow.online/readngrow-categories/
نیز ہم اس ویب سائٹ کی مفید چیزوں کو اس واٹس ایپ چینل پر بھی شئیر کرتے رہتے ہیں ۔
https://whatsapp.com/channel/0029VaviXiKHFxP7rGt5kU1H
یہ چینل فالو کرلیں ۔