حضرت ابو عبدالرحمن سلمی

بخاری نے حضرت عثمان بن عفان رضی اللہ عنہ سے حدیث نقل کی ہے حضور اکرم صلی اﷲ علیہ وسلم نے فرمایا۔۔۔۔۔ خَیْرُکُمْ مَّنْ تَعَلَّمَ الْقُرْاٰنَ وَعَلَّمَہٗ تم میں سے بہترین لوگ وہ ہیں جو قرآن مجید سیکھتے اور سکھلاتے ہیں۔۔۔۔۔
طبرانی نے عبداﷲ بن مسعود رضی اللہ عنہ سے روایت کی ہے کہ خَیْرُکُمْ مَّنْ قَرَئَ الْقُرْاٰنَ وَاَقْرَاَہٗ تم میںبہترین اشخاص وہ ہیں جو قرآن پڑھتے اورپڑھاتے رہتے ہیں۔۔۔۔۔ چنانچہ رئیس ا لقراء حضرت ابو عبدالرحمن سلمی کوفی پہلی حدیث کو روایت کر کے فرماتے تھے کہ مجھے اسی حدیث نے یہاں لا بٹھایا ہے۔۔۔۔۔
حضرت بڑے کثیرالعلم جلیل القدر تابعی تھے لوگ آپ سے مختلف علوم حاصل کرنے کی تمنا کرتے تھے۔۔۔۔۔ مگر آپ چالیس سال سے زیادہ عرصے تک کوفہ کی جامع مسجد میں صرف قرآن کی تعلیم دیتے رہے اور جب کوئی پوچھتا تو وہی حدیث اول سنا دیا کرتے۔۔۔۔۔ امام عاصم رضی اللہ عنہ کوفی آپ ہی کے شاگردوں میں سے ہیں ۔۔۔۔۔ (تذکرہ قاریان ہند جلد اول صفحہ ۲۳،۲۴)
نیز حضرت حسن رضی اللہ عنہ اور حضرت حسین رضی اللہ عنہ نے بھی آپ ہی سے قرآن پڑھا ہے۔۔۔۔۔(نشر کبیر )

اگرآپ کو یہ واقعہ پسند آیا ہے تو اسکو شئیر ضرور کریں اور اس طرح کے دیگر اسلامی واقعات اور اولیاء اللہ کے حالات و تذکرے آپ ہمارے ویب سائٹ
https://readngrow.online
پر بالکل مفت میں پڑھ سکتے ہیں ۔
تمام اسلامی مواد اور دیگر کیٹگریز کو دیکھنے کے لئے یہ لنک وزٹ کریں
https://readngrow.online/readngrow-categories/
نیز ہم اس ویب سائٹ کی مفید چیزوں کو اس واٹس ایپ چینل پر بھی شئیر کرتے رہتے ہیں ۔
https://whatsapp.com/channel/0029VaviXiKHFxP7rGt5kU1H
یہ چینل فالو کرلیں ۔