.حدیث کے متعلق ایک اہم فریضہ(102)

رسول اکرم صلی اللہ علیہ وسلم کے احکامات پر عمل کرنا چونکہ ہرمسلمان پر فرض ہے اس لئے بیشتر لوگ رسول اکرم صلی اللہ علیہ وسلم کے نام سے منسوب کی گئی ہر بات کو سنت سمجھ کر اس پر عمل کرنا شروع کردیتے ہیں۔ بہت کم لوگ ایسے ہیں جو اس بات کی تحقیق کرنا ضروری سمجھتے ہیں کہ رسول اکرم صلی اللہ علیہ وسلم کے نام سے منسوب کی گئی بات واقعی آپ صلی اللہ علیہ وسلم کی ہے یا پھر آپکی طرف غلط منسوب کر دی گئی ہے۔
بالخصوص وہ لوگ جو ایسے پیغامات اور احادیث فارورڈ کرتے ہیں اُنکو یہ والی حدیث لازمی یاد رکھنی چاہئے کہ نبی کریم صلی اللہ علیہ وسلم نے فرمایا:
جس نے جان بوجھ کر میری طرف کوئی جھوٹی بات منسوب کی تو وہ اپنی جگہ جہنم میں بنا لے۔
پس عوام کی رہنمائی کرنے والے اور دوسروں کو تبلیغ اور دعوت کی نیت سے احادیث بھیجنے والے لوگوں پر یہ فرض ہے کہ مکمل تحقیق کے بعد سنت صحیح سے ثابت شدہ مسائل ہی لوگوں کو بتائیں اور عوام کا بھی یہ فرض ہے کہ وہ رسول اکرم صلی اللہ علیہ وسلم کے نام سے منسوب کردہ ہر بات کو سنت سمجھ کر اُس وقت تک نہ اپنائیں جب تک اس بات کا مکمل اطمینان نہ کرلیں کہ آپکی طرف منسوب کی گئی بات فی الواقع آپ نبی کریم صلی اللہ علیہ وسلم کا فرمان ہے۔
منقول از کتاب(اتباع سنت کے مسائل)

نوٹ : یہ ’’آج کی بات‘‘ ایک بہت ہی مفید سلسلہ ہے جس میں حذیفہ محمد اسحاق کی طرف سے مشاھدات،خیالات اور تجربات پر مبنی ایک تحریر ہوتی ہے ۔ یہ تحریر ہماری ویب سائٹ
Visit https://readngrow.online/ for FREE Knowledge and Islamic spiritual development.
پر مستقل شائع ہوتی ہے ۔ ہر تحریر کے عنوان کے آگے ایک نمبر نمایاں ہوتا ہے ۔ جس اسکی قسط کو ظاہر کرتا ہے کہ یہ کون سی قسط ہے ۔ پچھلی قسطیں بھی ہماری ویب سائٹ پر دستیاب ہیں ۔ اگر کوئی پیغام یا نصیحت یا تحریر آپکو پسند آتی ہے تو شئیر ضرور کریں ۔ شکریہ ۔
مزید اپڈیٹس کے لئے ہمارے واٹس ایپ چینل کو ضرور فالو کریں
https://whatsapp.com/channel/0029Vb0Aaif4o7qSPFms4g1M